Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୟାଗଡ : ଭିଜିଲାନ୍ସ ପଞ୍ଝାରେ ଅତିରିକ୍ତ ଯୋଗାଣ ଅଧିକାରୀ, ଏକାସାଙ୍ଗେ ୬ଟି ସ୍ଥାନରେ ରେଡ୍
  • ||
  • ପୃଥିବୀକୁ ବଡ ବିପଦ ! ମାଡି ଆସୁଛି ଗ୍ରହାଣୁ, ମାଡ ହେଲେ ପରମାଣୁ ବୋମାଠୁ ଭୟଙ୍କର ବିସ୍ଫୋରଣ
  • ||
  • ଯବାନଙ୍କ ଆତ୍ମହତ୍ୟା, ସର୍ଭିସ ରାଇଫଲରୁ ଗୁଳି ଚଳାଇ ହାରିଲେ ଜୀବନ
  • ||
  • ଜଗତସିଂହପୁରରେ ଲାଗି ରହିଛି ବର୍ଷା, ବାତ୍ୟା ମୁକାବିଲା ପାଇଁ ସଜାଗ ପ୍ରଶାସନ
  • ||
  • ଜଓ୍ୱାଦ ପ୍ରଭାବ : ମାଡି ଆସିବ ସମୁଦ୍ର, ଉଠିବ ବଡ ଜୁଆର
  • ||

ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳରେ ଝାଡଖଣ୍ଡ ହାତୀଙ୍କ ଉପଦ୍ରବ

16/11/2018 at 10:48 PM

ବାଲେଶ୍ବର ୧୬/୧୧: ହାତୀ ସହ ଗମାତ । ଜଙ୍ଗଲୀ ହାତୀ ସହ ଗମାତ କରିଛନ୍ତି ସ୍ଥାନୀୟ ଯୁବକ । କିଏ କ୍ୟାମେରା ଧରି ତ ଆଉ କିଏ ହାତରେ ମୋବାଇଲ ଧରି ଫଟୋ ଉଠାଇଥିଲେ । ଆଉ କିଛି ପିଲା ତ ହାତୀ ସହ ସେଲ୍‌ଫି ନେବାକୁ ପୂରା ନିକଟକୁ ଚାଲିଯାଇଥିଲେ । ଏମାନଙ୍କୁ ଦେଖିବା ପରେ ଗୋଟିଏ ହାତୀ ଗୋଡ଼ାଇ ଆସିଥିଲା । ଆଉ ପିଲାମାନେ ଜୀବନ ବିକଳରେ ଦୌଡ଼ି ପଳାଇଥିଲେ ।

ଏହି ଚିତ୍ର ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ନୀଳଗିରି ଅଞ୍ଚଳରେ । ୫୬ଟି ଝାଡଖଣ୍ଡି ହାତୀ ତିନି ଦିନ ହେଲା ନୀଳଗିରି ଅଞ୍ଚଳକୁ ଚାଲିଆସିଛନ୍ତି । ହାତୀପଲ ହାତୀମୁଣ୍ଡା ଗାଁ ପାଖ ଜଙ୍ଗଲରେ ଥିବା ବେଳେ ସେମାନଙ୍କୁ ଦେଖିବା ପାଇଁ ଲୋକଙ୍କ ଭିଡ଼ ଲାଗିଥିଲା । ଲୋକଙ୍କ ଭିଡ଼ ଦେଖି ହାତୀପଲ ରାଗିପାଚି ଲାଲ୍ । ସବୁରାଗ ସୁଝାଇଥିଲେ ଧାନ ବିଲ୍ ଆଉ ସ୍ଥାନୀୟ ଘର ଉପରେ। ଗତ ରାତିରେ ହାତୀପଲ ତିନିକୋଶିଆ ଜଙ୍ଗଲକୁ ଯିବାକୁ ଉଦ୍ୟମ କରୁଥିବା ବେଳେ ହାତୀମୁଣ୍ଡା, ତେରଲଡିହି ନିକଟରେ ସୋଲାର ଫେନସିଂ କଢାଯିବାକୁ ନେଇ ଗ୍ରାମବାସୀ ଆଉ ବନବିଭାଗ ମୁହାଁମୁହିଁ ହୋଇଥିଲେ । ଗାଁଲୋକେ ସୋଲାର ଫେନସି ତାର କାଟିଦେବାରୁ ହାତୀପଲ କୁଲଡିହା, ତିନିକୋଶିଆ ଜଙ୍ଗଲ ଆଡକୁ ଚାଲିଯାଇଛନ୍ତି ।

ସ୍ଥାନୀୟ ଡିଏଫଓ, ଏସିଇଏଫଓ, ରେଞ୍ଜରଙ୍କ ସମେତ ମାଜିଷ୍ଟ୍ରେଟ ଦାୟିତ୍ବରେ ଥିବା ଅତିରିକ୍ତ ତହସିଲଦାର ଏବଂ ଏକ ପ୍ଲାଟୁନ ପୋଲିସ ଫୋର୍ସ ଘଟଣା ସ୍ଥଳରେ ଡେରା ପକାଇଛନ୍ତି । ହାତୀମାନଙ୍କର ଗତିବିଧି ଉପରେ ଲକ୍ଷ୍ୟ ରଖାଯାଇଛି । ସେମାନଙ୍କୁ ଘଉଡାଇବା ପାଇଁ ବ୍ୟବସ୍ଥା କରାଯାଉଥିବା କହିଛନ୍ତି ଡିଏଫଓ।

   Related Posts