ଅନୁଗୁଳ ୧୧/୧୧: ସାତକୋଶିଆରୁ ଫେରିଗଲା ହାତୀ ଯଶୋଦା। ବାଘୁଣୀ ସୁନ୍ଦରୀକୁ ଟ୍ରାଙ୍କୁଲାଇଜ କରିବାପାଇଁ ଯଶୋଦାକୁ ସାତକୋଶିଆକୁ ଅଣାଯାଇଥିଲା। ୬ ତାରିଖରେ ଯଶୋଦା ପିଠିରେ ବସି ବାଘୁଣୀକୁ ଟ୍ରାଙ୍କୁଲାଇଜ କରିବାରେ ସଫଳ ହୋଇଥିଲା ବନ ବିଭାଗ। ପୁରୁଣାକୋଟ ରେଞ୍ଜ ପରିସରରେ ଯଶୋଦାକୁ ରଖାଯାଇଥିଲା। ୮ ତାରିଖରେ ଯଶୋଦା ଶିକୁଳିରେ ବନ୍ଧା ହୋଇ ରହିଥିବା ବେଳେ ସ୍ଥାନୀୟ ଜଣେ ଯୁବକ କଦଳୀ ଗଛ ଖାଇବାକୁ ଦେବାବେଳେ ଶୁଣ୍ଢରେ ଟାଣି ନେଇ କଚାଡି ଗୋଡରେ ଦଳି ଦେଇଥିଲା। ଗତକାଲି ସନ୍ଧ୍ୟାରେ ଯଶୋଦାକୁ ଟ୍ରକରେ ଚନ୍ଦକାକୁ ସ୍ଥାନାନ୍ତର କରାଯାଇଛି।