କେନ୍ଦୁଝର ୨୭।୧୧: କେନ୍ଦୁଝର ସଦର ରେଞ୍ଜର ଦେଓବନ୍ଧ ଗାଁକୁ ଧସେଇ ପଶିଲେ ୧୨ ଟିକିଆ ବଣୁଆ ହାତୀ ପଲ । ଶୁକ୍ରବାର ସକାଳୁ ସକାଳୁ ଦେଓବନ୍ଧ ଅଞ୍ଚଳକୁ ଏକ ୧୨ ଟିକିଆ ହାତୀ ପଲ ସଦର ରେଞ୍ଜକୁ ଧସେଇ ପଶି ଆସିଥିଲେ ।

ପ୍ରଥମେ ହରିହରପୁର, ମଇଦାନକେଲ ଆଦି ଗାଁରେ ପ୍ରବଳ ପନିପରିବା ନଷ୍ଟ କରିବା ସହ ସକାଳୁ ସକାଳୁ ଦେଓବନ୍ଧ ଗାଁ ନିକଟ ଜଙ୍ଗଲକୁ ଧସେଇ ପଶି ଆସିଛନ୍ତି । ହଜାର ହଜାର ଲୋକ ହାତୀକୁ ଘେରି ରହିଥିବା ବେଳେ ହାତୀପଲ ଗାଁ ମଝିରେ ଥିବା ଜଙ୍ଗଲରେ ଡେରା ପକାଇଛନ୍ତି ।

ଏହି ହାତୀ ପଲରେ ୩ଟି ଦନ୍ତା ଥିବା ଓ ୩ଟି ଛୁଆ ଥିବାବେଳେ ଆଉ ୬ଟି ମଧ୍ୟ ବୟସ୍କ ହାତୀ ଥିବା ଜଣା ପଡ଼ିଛି । ଜଙ୍ଗଲ ବିଭାଗ ପହଁଚି ହାତୀ ପଲଙ୍କ ଉପରେ ତୀକ୍ଷ୍ମ ନଜର ରଖିଛି ।