ବାରିପଦା ୨୪।୮: ବାରିପଦା ସହର ଭିତରେ ପସିଲା ହାତୀ । ସକାଳୁ ସକାଳୁ ଗୋଠଛଡା ହୋଇ ଏକ ଦନ୍ତାହାତୀକୁ ୧୮ ନମ୍ବର ଜାତୀୟ ରାଜପଥ ସ୍ଥିତ ଦାରଗାଡେଇ ଗୋଲେଇ ନିକଟରେ ଦେଖି ଲୋକେ ଆତଙ୍କିତ ହୋଇପଡିଥିଲେ । ମିଳିଥିବା ସୂଚନା ଅନୁସାରେ ହାତୀଟି ଦେଉଳି ରେଞ୍ଜ ଲକ୍ଷ୍ମୀପୋଷି ଜଙ୍ଗଲରୁ ଗୋଠ ଛାଡି ସହର ମୁହାଁ ହୋଇଥିଲା । ଖବର ପାଇ ବାରିପଦା ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀଟିକୁ ଘଉଡାଇ ଥିଲେ । ହାତୀଟି କୁଳିଅଣା ବ୍ଲକ ଅଧିନ ଅସନଯୋଡ଼ାଠାରେ ଥିବା ସୂଚନା ମିଳିଛି।
{"id":319183,"sizeSlug":"large"}ଗତ କିଛିଦିନ ଧରି ମୟୁରଭଞ୍ଜର ଦେଉଳି, ମୋରୋଡା, ବେତନଟୀ ଓ ରାସଗୋବିନ୍ଦପୁର ଅଞ୍ଚଳରେ ବଣୁଆ ହାତୀ ପଲଙ୍କ ଦୌରାତ୍ମ୍ୟ ଲାଗିରହିଥିଲା । ସୋମବାର ଏହି ଦନ୍ତା ହାତୀଟି ବାରିପଦା ସହର ଭିତରକୁ ଚାଲିଆସିଛି । ଯାହା ଫଳରେ ଲୋକେ ଭୟଭୀତ ଅଛନ୍ତି ।
{"id":319184,"sizeSlug":"large"}ଯଦି ପୁରା ହାତୀପଲ ବାରିପଦା ସହର ମୁହାଁ ହୁଅନ୍ତି ତେବେ ବନ ବିଭାଗ ସହିତ ସହରବାସୀଙ୍କ ଲାଗି ମଧ୍ୟ ଚିନ୍ତାର କାରଣ ହେବ । ଲକ୍ ଡାଉନ୍ ଓ ସଟ୍ ଡାଉନ୍ କାରଣରୁ ବାରିପଦା ଓ ତାର ଆଖପାଖ ଅଞ୍ଚଳ ଦୀର୍ଘ ଦିନରୁ ଶୂନସାନ ରହୁଥିବାରୁ ହାତୀ ସହର ଭିତରକୁ ଚାଲି ଆସିଥିବାର ଆଶଙ୍କା କରାଯାଉଛି।