ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୨୧୨୪ କୋଭିଡ୍ ପଜିଟିଭ୍
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

ଢେଙ୍କାନାଳ ମହୀଧରପୁରରେ କୂଅରେ ପଡିଛି ହାତୀ : ଉଦ୍ଧାର ପାଇଁ ଚାଲିଛି ଉଦ୍ୟମ

2/11/2018 at 12:39 PM

ଢେଙ୍କାନାଳ ୨/୧୧ : ଢେଙ୍କାନାଳ ଜିଲ୍ଲା ମହୀଧରପୁର ଠାରେ କୂଅ ଭିତରେ ଗୋଟିଏ ହାତୀ ପଡିଯାଇଛି | ଗତକାଲି ଠାରୁ ଏ ଅଂଚଳରେ ୪୦ ରୁ ୫୦ ହାତୀ ବୁଲାବୁଲି କରୁଥିଲା | ଗତକାଲି ରାତିରେ ହାତୀପଲ ଭିତରୁ ଏହି ହାତୀଟି କୂଅରେ ଗଲି ପଡିଛି | ମହୀଧରପୁର ଅଂଚଳରେ ୧୨୦ ଟି ଏଭଳି କୂଅ ରହିଛି ଯେଉଁ କୂଅଗୁଡିକର ବାଡ଼ ନାହିଁ | ଫଳରେ ହାତୀମାନଙ୍କ ପାଇଁ ବିପଦ ସୃଷ୍ଟି ହୋଇଛି | ବିଦ୍ୟୁତ ତାର ଲାଗି ଢେଙ୍କାନାଳରେ ୭ଟି ହାତୀଙ୍କର ମୃତ୍ୟୁ ଘଟଣା ଏବେ ଆଲୋଡନ ସୃଷ୍ଟି କରିଥିବାବେଳେ କୂଅରେ ହାତୀ ପଡିବା ଘଟଣା ପୁଣି ଚର୍ଚ୍ଚାକୁ ଆସିଛି |

ଗତକାଲି ରାତିରୁ କୂଅରେ ପଡିଥିବା ହାତୀଟିକୁ ଉଦ୍ଧାର କରିବା ପାଇଁ ବନବିଭାଗ କର୍ମଚାରୀମାନେ ଉଦ୍ୟମ ଜାରି ରଖିଛନ୍ତି | ଜେସିବି ଲଗାଇ କୂଅର ଚାରିପାଖକୁ ଖୋଳାଯାଉଛି | ଚାରିପାଖକୁ ଖୋଳି ଏକ ଶ୍ଲୋପ ତିଆରିକରାଗଲେ ହାତୀଟି ସହଜରେ ଉପରକୁ ଉଠିଆସିପାରିବ | ବର୍ତ୍ତମାନ ସମଗ୍ର ରାଜ୍ୟର ବିଭିନ୍ନ ସ୍ଥାନରେ ହାତୀପଲ ଜନବସତି ଆଡକୁ ମାଡିଆସୁଥିବା ଦେଖିବାକୁ ମିଳିଛି | ନୀଳଗିରି ଅଂଚଳରେ ୪୦ ରୁ ୫୦ ହାତୀ ଥିବା ଏକ ଝାରଖଣ୍ଡି ହାତୀପଲ ବୁଲୁଥିବାବେଳେ ବରଗଡ଼ ଜିଲ୍ଲାରେ ଛତିଶଗଡ଼ି ହାତୀ ବୁଲୁଛନ୍ତି | ହାତୀମାନଙ୍କର ସୁରକ୍ଷା ପାଇଁ ବନବିଭାଗ ପକ୍ଷରୁ ବିଶେଷ ପଦକ୍ଷେପ ନେବା ଆବଶ୍ୟକ ହେଉଛି |
ମହୀଧରପୁରରେ କୂଅ ଭିତରେ ପଡିଥିବା ହାତୀକୁ ଦେଖିବା ପାଇଁ ଆଖପାଖ ଅଂଚଳରୁ ଲୋକଙ୍କ ଭିଡ ଜମିବାରେ ଲାଗିଛି | ଅତି ଶୀଘ୍ର ହାତୀଟିକୁ ଉଦ୍ଧାର କରାଯିବ ବୋଲି ଘଟଣାସ୍ଥଳରେ ଥିବା ଡ଼ିଏଫଓ କହିଛନ୍ତି | କୂଅରେ ପଡିଥିବା ହାତୀଟିର ବୟସ ୧୪ ରୁ ୧୫ ବର୍ଷ ହେବ | ମହୀଧରପୁର ଅଂଚଳରେ ଥିବା ଅସୁରକ୍ଷିତ କୂଅଗୁଡ଼ିକୁ ବାଡ଼ କରିବା ପାଇଁ କାର୍ଯ୍ୟକ୍ରମ ଆରମ୍ଭ ହୋଇସାରିଲାଣି ବୋଲି ଡ଼ିଏଫଓ ସୂଚନା ଦେଇଛନ୍ତି |

   Related Posts