ତେଲକୋଇ ୦୭।୦୧: ତେଲକୋଇ ବନାଞ୍ଚଳ ଅଧିନସ୍ଥ ଭିମକାଣ୍ଡ ଓ ଗୋଧୂଳି ଗାଁରେ  ହାତୀପଲ ଙ୍କ ଉପଦ୍ରବ ଦେଖାଦେଇଛି । ହାତୀପଲଙ୍କ ଉପଦ୍ରବରେ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ରହୁଛନ୍ତି । ହାତୀ ଘଉଡାଇବାରେ ବନବିଭାଗ ବିଫଳତାକୁ ନେଇ ସ୍ଥାନୀୟଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।

ସୂଚନାଯୋଗ୍ୟ ଯେ, ମଙ୍ଗଳବାର ବିଳମ୍ବିତ ଭିମକାଣ୍ଡ ଗାଁର ଭ୍ରମର ପ୍ରଧାନଙ୍କ ଘର ଓ ପାଚେରୀ ହାଚୀପଲ ଭଙ୍ଗିବା ସହ ହରଡ ଫସଲକୁ ଦଳଚକଟି ନଷ୍ଟ କରିଦେଇଛନ୍ତି । ସେହିପରି ଗୋଧୂଳି ଗାଁରେ ପଶି ଖଳାରେ ଗଦା ହୋଇଥିବା ଧାନକୁ ଖାଇଛନ୍ତି ହାତୀପଲ । ତେଲକୋଇର ବିଭିନ୍ନ ଗାଁରେ ହାତୀପଲଙ୍କ ଉପଦ୍ରବ ଲାଗି ରହିଛି । ହାତୀପଲକୁ ଘଉଡାଇବାରେ ବନବିଭାଗ ବିଫଳ ହୋଇଛି ।  ବାରମ୍ବାର ହାତୀ ଉପଦ୍ରବକୁ ନେଇ ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି ।