ଭଦ୍ରକ ୨୫।୦୫: ଭଦ୍ରକ ଆଗରପଡା ଅଞ୍ଚଳରେ ଦନ୍ତା ହାତୀ ଉପଦ୍ରବ । ଗତ କିଛି ଦିନ ହେବ ଦୁଇଟି ହାତୀ ହଦଗଡ଼ ବନାଞ୍ଚଳରୁ ଆସି ଆଗରପଡାର ପାଟକନା ଓ ରାଉତରାୟ ଗାଡ଼ିଆ ଅଞ୍ଚଳରେ ବୁଲୁଥିବାର ଲୋକମାନେ ଦେଖିଥିଲେ । ହଠାତ ଦନ୍ତା ହାତୀ ଜଙ୍ଗଲ ଛାଡି ଜନବସତିରେ ପ୍ରବେଶ କରିଥିବାରୁ ଲୋକମାନେ ଭୟଭୀତ ହୋଇପଡିଛନ୍ତି ।

ସେହିପରି ପୂର୍ବରୁ ଦନ୍ତା ହାତୀ ଏହି ଅଞ୍ଚଳରେ  ଦୁଇ ତିନି ଜଣଙ୍କ ଘର  ଭାଙ୍ଗି ଦେଇଥିଲା । ଏବେ ପୁଣି ହାତୀ ବୁଲୁଛନ୍ତି । ଯାହାକୁ ନେଇ ସ୍ଥାନୀୟ ଅଞ୍ଚଳର ଲୋକେ ଭୟଭୀତ ହୋଇପଡିଛନ୍ତି । ଖବର ପାଇ ବନବିଭାଗର ୧୦ ଜଣିଆ ଟିମ ଆଗରପଡା ଅଞ୍ଚଳକୁ ଯାଇଛନ୍ତି । ହାତୀ ମାନେ ସପୁରୀ, ଆମ୍ବ ଓ ପଣସ ଆଦି ଖାଇବା ସହ ଗାଁରେ ପଶୁଥିବାରୁ ଲୋକମାନେ ଭୟଭିତ ଅବସ୍ଥାରେ ଅଛନ୍ତି ।