Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଗାଁ ଛାଡି ଯାଉ ନାହାନ୍ତି ହାତୀପଲ, ଏକର ଏକର ଧାନ ଫସଲ ନଷ୍ଟ

17/08/2020 at 9:22 AM

ତେଲକୋଇ ୧୭।୦୮: ଗାଁ ଛାଡି ଯାଉ ନାହାନ୍ତି ହାତୀପଲ । କେନ୍ଦୁଝର ଜିଲ୍ଲା ତେଲକୋଇ ଶିବନାରାୟଣପୁର ଗୋଡା ଗାଁରେ ୩ ଦିନ ହେଲା ଉପଦ୍ରବ ଚଳାଇଛନ୍ତି ହାତୀପଲ । ହାତୀ ଉପଦ୍ରବରେ ଅତିଷ୍ଠ ହେଲେଣି ଲୋକେ । ୧୨ ଟିକିଆ ହାତୀପଲ ଏକର ଏକର ଧାନ ଫସଲ ନଷ୍ଟ କରିଛନ୍ତି ।

ବିଳମ୍ବିତ ରାତିରେ ଗାଁରେ ପଶି ଏକର ଏକର ଜମିର ଧାନଫସଲ ଖାଇବା ସହ ଦଳି ଚକଟି ନଷ୍ଟ କରି ଦେଇଛନ୍ତି । ଧାରକରଜ କରି ଚାଷ କରିଥିବା ଚାଷୀଙ୍କ ଚିନ୍ତା ବଢିଛି । ଏନେଇ ତେଲକୋଇ ବନବିଭାଗକୁ ଅବଗତ କରାଯାଇଥିଲେ ମଧ୍ୟ ହାତୀ ଘଉଡାଇବା ପାଇଁ କୌଣସି ପଦକ୍ଷେପ ଗ୍ରହଣ କରାଯାଉ ନଥିବା ଚାଷୀ ଅଭିଯୋଗ କରିଛନ୍ତି । କ୍ଷତିପୂରଣ ଯୋଗାଇ ଦେବାକୁ ଦାବି କରିଛନ୍ତି ଚାଷୀ । ଶିବନାରାୟଣପୁର ଗାଁ ପାଖ ବିନ୍ଧାଣି ଖୋଲ ଜଙ୍ଗଲରେ ଦିନବେଳା ହାତୀପଲ ରହୁଥିବାରୁ ଲୋକେ ମଧ୍ୟ ଆତଙ୍କିତ ଅବସ୍ଥାରେ ଅଛନ୍ତି । ହାତୀପଲରେ ଦୁଇଟି ଛୁଆହାତୀ ରହିଥିବା ଜଣାପଡିଛି ।

   Related Posts