ପାଟଣା,୩୦/୧୧: ହାତୀ ଉପଦ୍ରବ । କେନ୍ଦୁଝର ଜିଲ୍ଲା ସାହାରପଡା ସେକ୍ସନ ବଡ଼ପଶି ରଙ୍ଗାପାଟ ଗୋହିରା ଅଞ୍ଚଳରେ ହାତୀପଲ ଆଡ୍ଡା ଜମାଇଛନ୍ତି ।
ଏହି ହାତୀପଲ ୨୫ଟି ହାତୀ ରହିଛନ୍ତି । ଏହାସହ ସେମାନେ ନିକଟବର୍ତ୍ତୀ ଗାଁରେ ପଶି ଏକର ଏକର ଧାନ ଫସଲ ନଷ୍ଟ କରିଛନ୍ତି । ସେହିପରି ଅସନବଣି ଗାଁ ନିକଟରେ ଆଉ ଏକ ଗୋଟିକିଆ ଦନ୍ତା ବୁଲୁଥିବା ଦେଖିବାକୁ ମିଳିଛି । ଗାଁ ନିକଟରେ ଗୋଠ ଛଡା ହୋଇ ଦନ୍ତା ବୁଲୁଥିବାରୁ ଗ୍ରାମବାସୀ ଭୟଭୀତ ଅବସ୍ଥାରେ ରହିଛନ୍ତି। ତେବେ ଗୋଠ ଛଡା ଦନ୍ତାକୁ ହାତୀପଲ ସହ ମିଶାଇବାକୁ ବନ ବିଭାଗର ଉଦ୍ୟମ ଜାରି ରଖିଛି।
