ଗଞ୍ଜାମ ୧୩।୧୦: ଗଞ୍ଜାମ ଜିଲ୍ଲା ଧରାକୋଟ ବନାଞ୍ଚଳ ରୁଗୁମୁ ପଞ୍ଚାୟତ ରାଶିବାଡ଼ି ଗାଁର ହାତୀ ପଲଙ୍କ ଉପଦ୍ରବ । ଘର ଭାଙ୍ଗିବା ସହ ନଷ୍ଟ କରିଛନ୍ତି ଅମଳ ଅପେକ୍ଷାରେ ଥିବା ଫସଲ । ଗ୍ରାମବାସୀ ଭୟଭୀତ ଅବସ୍ଥାରେ ରହୁଥିବାର ଅଭିଯୋଗ ଆସିଛି ।
ଖବର ଅନୁଯାୟୀ, ବିଳମ୍ବିତ ରାତିରେ ହାତୀପଲ ଚାଷ ଜମି ଜଗିବା ଲାଗି ରହିଥିବା ଏକ ଘରକୁ ଭାଙ୍ଗିବା ସହିତ ଚାଉଳ ଓ ସମସ୍ତ ଜିନିଷ ପାତ୍ର ନଷ୍ଟକରିଛନ୍ତି । ତେବେ ଏବେ ଯାଏଁ କୌଣସି ଅଘଟଣର ସୂଚନା ମିଳିନାହିଁ । ଗାଁ ନିକଟରେ ହାତୀଙ୍କ ଏହି ଭଳି ଉପଦ୍ରଵକୁ ଦେଖି ଗ୍ରାମବାସୀ ଭୟଭୀତ ଅବସ୍ଥାରେ ରହିଛନ୍ତି l ଅନ୍ୟପଟେ ଗ୍ରାମ ନିକଟ ଜଙ୍ଗଲରେ କିଛିଦିନ ହେବ ଦଶଟିକିଏ ହାତୀପଲଙ୍କ ଗତିବିଧି ରହିଥିବା ସୂଚନା ଦେଇଛନ୍ତି ଆସିକା ବନଖଣ୍ଡର ବିଭାଗୀୟ ଅଧିକାରୀ l