ପାଟଣା, ୧୩।୦୯ : କେନ୍ଦୁଝର ଜିଲ୍ଲା ଚମ୍ପୁଆ ଓ ପାଟଣା ରେଞ୍ଜରେ ଗତ କିଛି ଦିନ ଧରି ହାତୀପଲ ଆତଙ୍କ ଖେଳାଉଛନ୍ତି । ରବିବାର ୩୪ ଟିକିଆ ହାତୀପଲଙ୍କ ଉପଦ୍ରବ ଏଠାରେ ଦେଖିବାକୁ ମିଳିଛି।
ହାତୀପଲ ଏକର ଏକର ଧାନ ଫସଲ ନଷ୍ଟ କରିବା ରହ ସହ ପନିପରିବା ଚାଷକୁ ଦଳିମକଚି ଉଜାଡି ଦେଇଛନ୍ତି । ସେହିପରି ଚମ୍ପୁଆ ରେଞ୍ଜ ଝାଲିଆବେଡା ଗ୍ରାମରେ ଏକର ଏକର ଧାନ ଫସଲ ବି ହାତୀଙ୍କ ଦାଉରୁ ମୁକ୍ତି ପାଇନି ।
ପାଟଣା ରେଞ୍ଜ ଶବରଣୀବେଡା ଅଞ୍ଚଳରେ ମଧ୍ୟ ପନିପରିବା ଚାଷ ନଷ୍ଟ କରିଛନ୍ତି ହାତୀପଲ । ଗାଁ ନିକଟ ଜଙ୍ଗଲରେ ହାତୀପଲ ବୁଲୁଥିବାରୁ ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ଅଛନ୍ତି ।
