ଭୁବନ ୧୦।୧୨: ଢେଙ୍କାନାଳ ଭୁବନରେ ହାତୀ ଉପଦ୍ରବ ।  ଭାରତୀ ପାହାଡ ପାଦଦେଶରେ ଥିବା ଗାଁ ଗୁଡିକରେ ହାତୀ ଉପଦ୍ରବ ଦେଖାଦେଇଛି । ହାତୀ ଘଉଡାଇବା ପାଇଁ  ବନବିଭାଗ ପକ୍ଷରୁ ଉଦ୍ୟମ ଜାରି ରହିଛି ।

ସୂଚନାଯୋଗ୍ୟ ଯେ,  ଦଶ ଦିନ ଧରି ହାତୀ ପଲ ଭାରତୀ ପାହାଡ ପାଦଦେଶରେ ଥିବା ବନବିଭାଗ କହିଛି । ରେଣଦାପାଟଣା, ବ୍ରହ୍ମାନନ୍ଦ କଲୋନୀ ଓ ଧୋଡା ଅଞ୍ଚଳରେ ପାଚିଲା ଧାନଫସଲ ଦଳି ଚକଟି ନଷ୍ଟ କରିବା ସହ ଖାଇଯାଉଛନ୍ତି । ବିଶେଷ କରି ପାହଡ ପାଦ ଦେଶରେ ଥିବା ବ୍ରହ୍ମାନନ୍ଦ କଲୋନୀ ବାସିନ୍ଦା ଭୟଭୀତ ଅବସ୍ଥାରେ ରହିଛନ୍ତି । ହାତୀ ପଲ ପାଇଁ ଗାଁର ବିଜୁଳି ସଂଯୋଗ କାଟି ଦିଆଯାଉଛି । ସ୍ଥାନୀୟ ଲୋକେ ଓ ବନବିଭାଗ ହାତୀ ପଲଙ୍କୁ ଘଉଡାଇଲେ ବି ହାତୀ ପଲ ପୁଣି ଚାଲିଆସୁଥିବାରୁ ସମସ୍ତଙ୍କ ଚିନ୍ତା ବଢିଯାଇଛି । ଲୋକଙ୍କୁ ଭୟଭୀତ ନହେବାକୁ ପରାମର୍ଶ ଦେଇଛି ବନବିଭାଗ ।