ଘଟଗାଁ,୦୯/୧୧: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ଧୁବୁଲାବେଡା ଗାଁରେ ଗଜରାଜଙ୍କ ଆତଙ୍କ । ଗାଁ ନିକଟବର୍ତ୍ତୀ ଜଙ୍ଗଲରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
ମୃତକ ହେଲେ ହାତିନୋଟା ଗାଁର ଜଳଧର ମହାରଣା । ସୂଚନାନୁସାରେ, ଜଳଧର ମଙ୍ଗଳବାର ସକାଳୁ ସକାଳୁ କୌଣସି କାମରେ ଧୁବୁଲାବେଡାରୁ ଛୋଟରାୟପୁର ଗାଁକୁ ଯାଉଥିଲା । ଧୁବୁଲାବେଡା ଗାଁକୁ ଯିବା ସମୟରେ ଏକ ଜଙ୍ଗଲ ରାସ୍ତା ପଡେ । ଠିକ୍ ସେହି ସମୟରେ ରାସ୍ତା ମଝିରେ ତାଙ୍କୁ ହାତୀ ଆକ୍ରମଣ କରିଥିଲା । ଫଳରେ ତାଙ୍କର ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା ।