Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ସମସ୍ତ ସହରାଞ୍ଚଳରେ ଶନିବାର ଓ ରବିବାର ସଟ୍‌ଡାଉନ୍‌
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୫୦୩ କରୋନା ଆକ୍ରାନ୍ତ
  • ||
  • ଭଦ୍ରକ : ଚାକିରୀରୁ ବିଦା ହେଲେ ରସିକିଆ ଶିକ୍ଷକ, ହ୍ବାଟସଆପ୍ ଗ୍ରୁପରେ ପଠାଇଥିଲେ ନିଜ ଅନ୍ତରଙ୍ଗ ମୁହୂର୍ତ୍ତର ଭିଡିଓ
  • ||
  • ଆନନ୍ଦପୁର : ବାଲି ଗାଡି ମାଲିକଙ୍କୁ ହାବିଲଦାର ମାଗୁଥିଲେ ଚାନ୍ଦା, ଆଜି ଶୁଣିଲା ପରେ ଏସପି କଲେ ସସପେଣ୍ଡ
  • ||
  • ସମ୍ବଲପୁର : ବିଗୁଡୁଛି କରୋନା ସ୍ଥିତି : ଭୀମସାର କୋଭିଡ୍ ହସ୍ପିଟାଲର ବଢିବ ଶଯ୍ୟା, ଚାଲିଛି ଦ୍ବିତୀୟ ହସ୍ପିଟାଲ କାମ
  • ||
  • ଜଳେଶ୍ବର : ବସ୍ତା ଷ୍ଟେସନରେ ଏକ୍ସପ୍ରେସ୍ ଟ୍ରେନ୍ ରହଣି ଦାବି, ରେଳରୋକ କଲେ ସ୍ଥାନୀୟ ବାସିନ୍ଦା
  • ||
  • ମହାକାଳପଡା : କେନ୍ଦ୍ରାପଡାରେ ତାଣ୍ଡବ ରଚିଲା କାଳବୈଶାଖୀ, ବଜ୍ରପାତରେ ଚାଲିଗଲା ଜଣଙ୍କ ଜୀବନ
  • ||
  • ଖଲ୍ଲିକୋଟ : ବରଗଛ ମୂଳରୁ ନବଜାତ ଶିଶୁର ମୃତଦେହ ଉଦ୍ଧାର
  • ||
  • ନବରଙ୍ଗପୁର : ୧୦ଦିନ ପରେ ହୋଇଥାନ୍ତା ବାହାଘର, ଗଛରେ ଓଢଣୀ ବାନ୍ଧି ପ୍ରେମିକ ସହ ଝୁଲିପଡିଲେ ଯୁବତୀ
  • ||
  • ବ୍ରିଟେନ୍‌ ପ୍ରଧାନମନ୍ତ୍ରୀ ବୋରିସ୍‌ ଜନସନ୍‌ଙ୍କ ଭାରତ ଗସ୍ତ ବାତିଲ
  • ||

କରେଣ୍ଟ ନୁହେଁ ୮ କୋଟିର ବିଲ୍ ଦେଲା ଝଟକା! ହସ୍ପିଟାଲରେ ମିଲ ମାଲିକ

25/02/2021 at 6:51 PM

ମୁମ୍ବାଇ ୨୫।୨:  ମହାରାଷ୍ଟ୍ର ଷ୍ଟେଟ୍‌ ଇଲେକ୍ଟ୍ରିସିଟି ଡିଷ୍ଟ୍ରିବ୍ୟୁସନ କମ୍ପାନୀ ଲିମିଟେଡ (ଏମଏସଇଡିସିଏଲ)ଙ୍କ ବିଦ୍ୟୁତ ବିଲ ଜଣେ ମିଲ ମାଲିକଙ୍କୁ ଏମତି ସକ୍‌ ଦେଇଛି ଯେ  ସେ ହସ୍ପିଟାଲରେ ଆଡମିଟ୍ ହୋଇଛନ୍ତି।  ବିଲରେ ଉଠିଥିବା ଶୁଳ୍କ ଦେଖି କର୍ମଚାରୀଙ୍କୁ ଏହା ତାଙ୍କ ମିଲର ନା ପୁରା ଜିଲ୍ଲାର ବୋଲି ପଚାରୁ ପଚାରୁ ମାଲିକ ଚେତାହରାଇ ପଡିଲେ। ଏମଏସଇଡିସିଏଲ ତାଙ୍କୁ ୮ କୋଟି ଟଙ୍କାର ବିଦ୍ୟୁତ ବିଲ ଧରାଇଥିଲା। ତେବେ ତାଙ୍କ ବିଲରେ ଥିବା ତ୍ରୁଟି ସୁଧାର ହୋଇଯାଇଥିବା ବେଳେ ମିଲ ମାଲିକ ମଧ୍ୟ ସୁସ୍ଥ ଥିବା ଜଣାପଡିଛି।

ନାଲସୋପାରା ନିକଟସ୍ଥ ନିର୍ମଳ ଗାଁରେ ଥିବା ରାଇସ ମିଲକୁ ବିଦ୍ୟୁତ ବିଭାଗ କର୍ମଚାରୀ ସୋମବାର ବିଦ୍ୟୁତ ବିଲ ଦେବାକୁ ଯାଇଥିଲେ। ମାଲିକ ଗଣପତି ନାୟକ ସେତେବେଳେ ମିଲରେ ଥିବା ବେଳେ କର୍ମଚାରୀଙ୍କଠୁ ବିଲ ନେଇ ଦେୟ ଉପରେ ଆଖି ପକାଇଥିଲେ। ବିଲ୍‌ର ପରିମାଣ ଦେଖି ୮୦ ବର୍ଷ ବୟସ୍କ ଗଣପତ ତାଙ୍କ ଚୌକି ଉପରେ ଟଳିପଡିଥିଲେ।

କର୍ମଚାରୀମାନେ ତାଙ୍କୁ ତୁରନ୍ତ ନିକଟସ୍ଥ ହସ୍ପିଟାଲକୁ ନେଇଥିବା ବେଳେ ସେଠାରେ ଡାକ୍ତର ତାଙ୍କର ଯାଞ୍ଚ କରି ରକ୍ତଚାପ ବଢିଥିବା କହିଥିଲେ। ହସ୍ପିଟାଲରେ ତାଙ୍କ ଚିକିତ୍ସା ଚାଲିଥିବା ବେଳେ ବିଦ୍ୟୁତ ବିଭାଗ କର୍ମଚାରୀ ବିଲନେଇ କାର୍ଯ୍ୟାଳୟରେ ଦେଖାଇବା ବେଳେ ବିଭାଗରେ ହଇଚଇ ସୃଷ୍ଟି ହୋଇଥିଲା। ୮କୋଟି ଟଙ୍କାର ବିଦ୍ୟୁତ ବିଲ ଦେଖି ନିଜେ ଅଧିକାରୀ ମଧ୍ୟ ଘବରେଇ ଯାଇଥିଲେ ଓ ତୁରନ୍ତ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ।

ଯାଞ୍ଚ ବେଳେ ମିଟର ରେଡିଂ ଏଜେନ୍ସିର ତ୍ରୁଟି ଯୋଗୁ ବିଲରେ ୬ ଅଙ୍କ ସ୍ଥାନରେ ୯ ଅଙ୍କର ବିଲ ହୋଇଯାଇଥିବା ଜଣାପଡିଥିଲା। ତୁରନ୍ତ ବ୍ୟବସାୟୀଙ୍କ ବିଲ ସୁଧାର କରି ତାଙ୍କୁ ଦିଆଯାଇଥିବା ବେଳେ ବିଲ୍‌ ଦେଖି ଗଣପତ ମଧ୍ୟ ଆଶ୍ୱସ୍ତ ହୋଇଛନ୍ତି। ସେ ଏବେ ସୁସ୍ଥ ହେଉଥିବା ବେଳେ ଖୁବ୍ ଶୀଘ୍ର ଘରକୁ ଫେରିଯିବେ ବୋଲି କହିଛନ୍ତି ଡାକ୍ତର।  

   Related Posts