Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||

୪ଟି ଟିପ୍ପର ଉପରେ ଛିଣ୍ଡିପଡିଲା ୧୧କେ.ଭି. ବିଦ୍ୟୁତ୍ ତାର, ବର୍ତ୍ତିଗଲେ ୮ଜଣ

17/11/2019 at 3:09 PM

ଲକ୍ଷ୍ମୀପୁର ୧୭।୧୧: କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ୍ ତୋୟାପୁଟ ହନୁମାନ ମନ୍ଦିର ନିକଟରେ କୋଡିଙ୍ଗାମାଳିରୁ ବକ୍ସାଇଟ୍ ଧରି କାକିରିଗୁମ୍ମା ଡମ୍ପିଂୟାର୍ଡକୁ ଯାଉଥିବାବେଳେ ରାସ୍ତାକଡରେ ଥିବା ବିଦ୍ୟୁତ୍ ଖୁଣ୍ଟକୁ ଧକ୍କା ଦେଇଥିଲା । ଧକ୍କା ଦେବା ଫଳରେ ୧୧କେ.ଭି. ତାର ଛିଣ୍ଡି ରାସ୍ତା କଡରେ ଠିଆ ହୋଇଥିବା ଅନ୍ୟ ୪ଟି ଟିପ୍ପର ଉପରେ ପଡିଥିଲା ।

ସୌଭାଗ୍ୟ ବଶତଃ ତାରଟି ଛିଣ୍ଡି ବିଦ୍ୟୁତ୍ ସରବରାହ ବିଚ୍ଛିନ୍ନ ହୋଇଯିବା ସହ ଟ୍ରାନ୍ସଫର୍ମରରୁ ବିଦ୍ୟୁତ୍ କଟିଯାଇଥିଲା । ବିଦ୍ୟୁତ୍ ତାର ଛିଣ୍ଡିବା ପରେ ବିଦ୍ୟୁତ୍ ସରବରାହ କଟିନଥିଲେ ୪ଟି ହାଇଓ୍ବା ଟିପ୍ପର ସମେତ ଟିପ୍ପରରେ ରହିଥିବା ୮ ଜଣଙ୍କର ଅବସ୍ଥା ସାଂଘାତିକ ହୋଇଯାଇଥାନ୍ତା ।

ରାୟଗଡା କୋରାପୁଟକୁ ସଂଯୋଗ କରୁଥିବା ଏନଏଚ ୨୬ ଜାତୀୟ ରାଜପଥରେ ଏହି ଘଟଣା ଘଟିବା ପରେ ଗତକାଲି ରାତିଠାରୁ ତୋୟାପୁଟ ଅଚଂଳର ୨୦ ଖଣ୍ଡ ଗ୍ରାମବାସୀ ଅନ୍ଧାରରେ ରହିଛନ୍ତି । ବିଦ୍ୟୁତ୍ ଖୁଣ୍ଟଗୁଡିକ ଉପୁଡି ପଡିବା ସହ ଟ୍ରାନ୍ସଫର୍ମର ପଡିଯିବା ପରେ ହଠାତ୍ ବିଦ୍ୟୁତ୍ ସରବରାହ ଘରମାନଙ୍କରେ କଟିଯିବା ସହ ବିଦ୍ୟୁତ୍ ଉପକରଣଗୁଡିକ ପୋଡିଯାଇଥିବା ଓ ଶୀଘ୍ର ବିଦ୍ୟୁତ୍ ସରବରାହ ସଜାଡିବା ଦାବି କରି ଗତକାଲିଠାରୁ ତୋୟାପୁଟ ଛକରେ ମାଇନ୍ସ ଗାଡି ଚଳାଚଳ ବନ୍ଦ କରିଦେଇଥିଲେ ସାଧାରଣ ଲୋକେ । ଖବରପାଇ ଲକ୍ଷ୍ମୀପୁର ପୋଲିସ ଘଟଣାସ୍ଥଳରେ ପହଚିଂ ଉତ୍ତ୍ୟକ୍ତଲୋକଙ୍କୁ ବୁଝାସୁଝା କରିବା ପରେ ୧୫ଘଣ୍ଟା ପରେ ମାଇନ୍ସ ଗାଡି ଚଳାଚଳ କରିଥିଲା ।

ରାସ୍ତାକଡରେ ଡ୍ରାଇଭରମାନେ ମାଇନ୍ସରେ ନିୟୋଜିତ ହାଇଓ୍ବା ଗାଡିରୁ ଡିଜେଲ୍ ବାହାର କରି ଚୋରାରେ ବିକ୍ରି କରୁଥିବା ଯୋଗୁଁ ରାସ୍ତା କଡରେ ଗାଡିଗୁଡିକ ଘଣ୍ଟା ଘଣ୍ଟା ଅଟକି ରହୁଛି । ଯାହା ଫଳରେ ଏପରି ଦୁର୍ଘଟଣା ହେଉଥିବା ଅଭିଯୋଗ କରିଛନ୍ତି ଗ୍ରାମବାସୀ ।

   Related Posts