ଦେଶରେ ପରିବହନ ଆବଶ୍ୟକତାକୁ ଦୃଷ୍ଟିରେ ରଖି ଇଲେକ୍ଟ୍ରିକ ବାହନ କମ୍ପାନୀ ଲାଇ-ଅନସ ଇଲେକ୍ଟ୍ରିକ ସଲ୍ୟୁସନ ଖୁବ୍ ଶୀଘ୍ର ଲଞ୍ଚ କରିବାକୁ ଯାଉଛନ୍ତି ନୂଆ ଇଲେକ୍ଟ୍ରିକ୍ ସ୍କୁଟର ସ୍ପୋକ। ୬୫ ହଜାରରୁଆରମ୍ଭ କରି ୯୯ ହଜାର ୯୯୯ ଟଙ୍କା ଅନରୋଡ ପ୍ରାଇସ୍ ରଖା ଯାଇଥିବା ସ୍କୁଟରର କଣ ରହିଛି ଫିଚର ଆସନ୍ତୁ ଜାଣିବା।

{"id":129047}

ସ୍କୁଟରରେ ୧୨ ଇଞ୍ଚର ଟ୍ୟୁବଲେସ୍ ଟାୟାର ଲାଗିଛି। ଯାହାକି ଟ୍ରବୁଲ ଫ୍ରି ରାଇଡ ପାଇଁ ବେଶ ଉତ୍ତମ। ଏଥିରେ ଲାଗିଥିବା ବ୍ୟାଟେରୀ ୩ ଘଣ୍ଟାରେ ପୂର୍ଣ୍ଣ ଚାର୍ଜ ହୋଇପାରୁଛି। ଏହି ବ୍ୟାଟେରୀ ଡିଟଚେବଲ ଓ ଗାଡିରୁ କାଢି ଡେସ୍କଟପରେ ଚାର୍ଜ କରିହେବ। ଥରେ ଚାର୍ଜ ହେଲେ ବ୍ୟାଟେରୀ ୧୩୦ କିଲୋମିଟର ପର୍ଯ୍ୟନ୍ତ ଯାତାୟାତ କରିପାରିବ। ଏହି ସ୍କୁଟରର ଘଣ୍ଟା ପ୍ରତି ବେଗ ୪୫ କିଲୋମିଟରରେ ଚାଲିବ। 

{"id":129048}

ଚଳିତମାସରେ କମ୍ପାନୀ ଭାରତୀୟ ବଜାରରେ ସ୍କୁଟରର ବ୍ୟବସାୟିକ ଲଞ୍ଚ କରିବେ। ଭାରତୀୟ ସଡକ ଓ ଡ୍ରାଇଭିଂ କୁ ଦୃଷ୍ଟିରେ ରଖି କମ୍ପାନୀ ଏହି ସ୍କୁଟରକୁ ନିର୍ମାଣ କରିଥିବା କହିଛନ୍ତି। ଯାହାକି ଉପଭୋକ୍ତାଙ୍କୁ ବାହନ ଚଳାଇବାର ପୂର୍ଣ୍ଣ ସନ୍ତୋଷ ପ୍ରଦାନ କରିବ ବୋଲିକମ୍ପାନୀ ଗ୍ୟାରେଣ୍ଟି ଦେଉଛନ୍ତି। ଅନ୍ୟ ଇଲେକ୍ଟ୍ରିକ ସ୍କୁଟରମାନଙ୍କର ବେଗ ଓ ବ୍ୟାଟେରୀ ସମସ୍ୟାକୁ ନଜରରେ ରଖି ଏହାକୁ ପ୍ରସ୍ତୁତ କରାଯାଇଥିବାରୁ ପେଟ୍ରୋଲ ଚାଳିତ ବାହନ ଭଳି ଚାଳକ ଏହାକୁ ଉପଯୋଗ କରିପାରିବେ ବୋଲି କମ୍ପାନୀ ପକ୍ଷରୁ କୁହାଯାଇଛି।