ମୁନିଗୁଡା ୦୯।୦୩: ପୁଣି ବିଦ୍ୟୁତ ଅଘଟଣ ଓ ଜଣେ ମୃତ। ଟିପର ଗାଡି ପାର୍କି ସମୟରେ ଉପର ଦେଇ ଯାଇଥିବା ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଡ୍ରାଇଭର ମୃତ । ମୁନିଗୁଡା ଥାନା  ଦେଓକୁପୁଲି ନିକଟରେ ଘଟିଛି ଘଟଣା  ।

ରବିବାର ଦିନ କାମ ସାରି କ୍ରସର ପରିସରରେ ଟିପର ପାର୍କି ସମୟରେ ଘଟିଛି ଘଟଣା। ଟିପର ପର୍କିଙ୍ଗ ବେଳେ ଉପର ଦେଇ ଯାଇଥିବା ବିଦ୍ୟୁତ ତାର ବିଷୟରେ ଡ୍ରାଇଭର ଜାଣିପାରିନଥିଲେ ।  ଗାଡିର ଡାଲା  ଉପରକୁ ଉଠାଇ ଦେବାରୁ କେବିନ୍ ୧୧କେଭି ତାର ସଂସ୍ପର୍ଶରେ ଆସି ଟିପରରେ ନିଆଁ ଲାଗିଯାଇଥିଲା ।

 ଟିପରରେ ବିଦ୍ୟୁତ ଚାର୍ଜ ହୋଇ ଯାଇଥିଲା। ତେବେ ଗୁରୁତର ଅବସ୍ଥାରେ ଡ୍ରାଇଭରଙ୍କୁ ମୁନିଗୁଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି। ଅପର ପକ୍ଷେ ଅଗ୍ନିଶମ ବାହିନୀ ଘଟଣା  ପହଞ୍ଚି  ନିଆଁ ଲିଭେଇଛନ୍ତି । ମୁନିଗୁଡା ପୋଲିସ ପହଞ୍ଚି ଘଟଣାକ ତଦନ୍ତ ଜାରି ରଖିଛନ୍ତି ।