Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଆଜି ବାଚସ୍ପତି ନିର୍ବାଚନ, ଗୃହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରଖିବେ ପ୍ରସ୍ତାବ

19/06/2019 at 9:19 AM

ନୂଆଦିଲ୍ଲୀ ୧୯|୬: ଆଜି ଲୋକସଭାରେ ବାଚସ୍ପତି ନିର୍ବାଚନ ହେବ। ବିଜେପି ସାଂସଦ ଓମ୍ ବିର୍ଲା ହେବେ ସପ୍ତଦଶ ଲୋକସଭା ବାଚସ୍ପତି । ଏନେଇ ବିଜେପି ବିଧିବଦ୍ଧ ନିଷ୍ପତ୍ତି ନେଇସାରିଛି। ରାଜସ୍ଥାନ କୋଟାର ବିଜେପି ସାଂସଦ ଓମ୍ ବିର୍ଲାଙ୍କୁ ବାଚସ୍ପତି କରିବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୃହରେ ପ୍ରସ୍ତାବ ଆଗତ କରିବେ। ଏହାକୁ ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ସମର୍ଥନ କରିବେ ।

ସେହିପରି ଅମିତ ଶାହା ପରବର୍ତ୍ତୀ ପ୍ରସ୍ତାବକ ରହିବେ ଏବଂ ଏହାକୁ ନିତିନ ଗଡ଼କରି ସମର୍ଥନ କରିବେ। ଏନଡିଏର ବାଚସ୍ପତି ପ୍ରାର୍ଥୀ ଓମ ବିର୍ଲାଙ୍କୁ ସମର୍ଥନ ଦେବ ବୋଲି ଘୋଷଣା କରିଛି ବିଜେଡି । ବିଜେଡି ସଂସଦୀୟ ଦଳ ନେତା ପିନାକୀ ମିଶ୍ର ଲୋକସଭାରେ ପ୍ରସ୍ତାବକ ରହିବେ ଏବଂ ଅଚ୍ୟୁତ ସାମନ୍ତ ଏହାକୁ ସମର୍ଥନ କରିବେ । ଏନଡିଏର ସଂଖ୍ୟା ଗରିଷ୍ଠତା ଥିବାରୁ ଓମ ବିର୍ଲା ବାଚସ୍ପତି ନିର୍ବାଚନ ହେବା ଏକ ପ୍ରକାର ସ୍ପଷ୍ଟ ହୋଇଛି ।

ସେପଟେ ବାଚସ୍ପତି ପ୍ରସ୍ତାବକୁ ବିରୋଧ କରିବେନି ବୋଲି କଂଗ୍ରେସ ଘୋଷଣା କରିଛି। ୧୭ ବୟସରୁ ଓମ ବିର୍ଲା ରାଜନୀତିରେ ସକ୍ରିୟ ଥିଲେ । ରାଜସ୍ଥାନ କୋଟାରୁ ସେ ୩ ଥର ବିଧାୟକ ଥିଲେ । ସେ ଦ୍ବିତୀୟ ଥର ପାଇଁ ସାଂସଦ ହୋଇଛନ୍ତି ।

ତେବେ ଲୋକସଭାର ଉପ ବାଚସ୍ପତି କିଏ ହେବ ତାକୁ ନେଇ ସସପେନ୍ସ ଜାରି ରହିଛି । ଚର୍ଚ୍ଚାରେ ଭର୍ତ୍ତୃହରିଙ୍କ ନାଁ ରହିଛି । ଏନେଇ ବିଜେଡି ଲୋକସଭା ସଂସଦୀୟ ଦଳର ନେତା ପିନାକୀ ମିଶ୍ର ଏହି ଚର୍ଚ୍ଚା ସଂପର୍କରେ କହିଛନ୍ତି, ଶାସକ ଦଳ ପ୍ରସ୍ତାବ ଦେଲେ ଆମେ ନିଷ୍ପତ୍ତି ନେବୁ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏନେଇ ନିଷ୍ପତ୍ତି ନେବେ ବୋଲି ପିନାକୀ କହିଛନ୍ତି । ଲୋକସଭା ଉପବାଚସ୍ପତି ପଦ ପାଇଁ ୱାଇଏସଆରସିପି କିମ୍ବା ବିଜେଡି ନେତାଙ୍କୁ ସୁଯୋଗ ଦେବା ନେଇ ଚିନ୍ତା କରୁଛି ବିଜେପି । କାରଣ ଅଣବିଜେପି ମେଣ୍ଟରେ ସାମିଲ ହୋଇନଥିବାରୁ ଏବଂ କଂଗ୍ରେସଠାରୁ ଦୂରତା ରଖୁଥିବାରୁ ଏହି ଦୁଇ ଦଳ ବିଜେପିର ପ୍ରଥମ ପସନ୍ଦ ।

   Related Posts