Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

୧୫ଦିନ ପରେ ଭୋଟ୍, ହେଲେ ଖାଁ ଖାଁ କଳାହାଣ୍ଡି ଜିଲ୍ଲାର ରାଜନୀତି : ସବୁ ନେତା ଡେରା ପକାଇଛନ୍ତି ରାଜଧାନୀରେ

21/03/2019 at 3:16 PM

ଭବାନୀପାଟଣା ୨୧|୩ (ମହମ୍ମଦ ଅସଲମ) : ପ୍ରଥମ ପର୍ଯ୍ୟାୟ ନିର୍ବାଚନ ତାଲିକାରେ ରହିଛି କଳାହାଣ୍ଡି ଜିଲ୍ଳା । ଏମିତିରେ ଏବେ ପ୍ରଚାରରେ ମାହୋଲ ଜମିବା କଥା । ନାମାଙ୍କନ ଦାଖଲ ପାଇଁ ଧାଡ଼ି ଲାଗିବା କଥା । ହେଲେ କଳାହାଣ୍ଡିରେ ସେମିତି କିଛି ଦେଖିବାକୁ ମିଳିନି । ଗଲା ୧୮ରୁ ନାମାଙ୍କନ ପ୍ରକ୍ରିୟା ଆରମ୍ଭ ହୋଥିଲେ ବି ମାତ୍ର ୫ଜଣ ପ୍ରାର୍ଥୀ ନୋମିନେସନ ଫାଇଲ କରିଛନ୍ତି । ସେପଟେ ଟିକେଟ୍‌ ବଣ୍ଟକୁ ନେଇ ବିଭିନ୍ନ ଦଳର ଅଙ୍କ ଛିଣ୍ଡୁନଥିବାରୁ ଆଶା, ଆଶଙ୍କାରେ ରହିଛନ୍ତି ଆଶାୟୀ ।

ଅର୍କଙ୍କ ଆଶା ମଉଳିଗଲା । ବାଜି ମାରିନେଲେ ପୁଷ୍ପେନ୍ଦ୍ର । ଆଉ କଳାହାଣ୍ଡି ବିଜେଡିରେ ବିଦ୍ରୋହୀଙ୍କ ସଂଖ୍ୟା ବଢ଼ିଲା । ସେପଟେ ପୁଣି ଲାଞ୍ଜିଗଡ଼ ପାଇଁ ପ୍ରାର୍ଥୀ ଘୋଷଣା ହୋଇପାରିନାହିଁ । ଏମିତିରେ ପାଞ୍ଚ ପାଞ୍ଚ ଥର ବିଧାୟକ ହୋଇଥିବା ବଳଭଦ୍ର ମାଝିଙ୍କୁ ନେଇ ମଧ୍ୟ କଳ୍ପନା ଜଳ୍ପନା ଜାରି ରହିଛି । ଯୋଉଠି ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି ସେଠି ଦଳୀୟ ଟିକେଟ୍‌ ବଣ୍ଟନରେ ବିଳମ୍ବ ଆଶାୟୀଙ୍କୁ ଅକଳରେ ପକାଇଛି ।

କୁହାଯାଉଛି ବିଜେପିର ପ୍ରାର୍ଥୀ ତାଲିକା ବିଳମ୍ବ ହେଉଥିବାରୁ ଏହି ଆସନରେ କୌଣସି ନିଷ୍ପତି ନେଇପାରୁନି ବିଜେଡି । ସେପଟେ ବିଜେଡିରୁ ଟିକେଟ୍‌ ନମିଳିଲେ ବଳଭଦ୍ର ବିଜେପିକୁ ଡିଆଁ ମାରିପାରନ୍ତି ବୋଲି ମଧ୍ୟ ଚର୍ଚ୍ଚା ହେଉଛି । ଏମିତିରେ ସ୍ଥାନୀୟ ବିଜେପି ନେତାଙ୍କ ଚିନ୍ତା ବଢ଼ିବା ସ୍ବାଭାବିକ୍‌ ।

ଟିକେଟ ପାଇଁ ରାଜଧାନୀରେ ଡେରା ପକାଇଛନ୍ତି ନେତା । ତେଣେ ନିର୍ବାଚନ ମଣ୍ଡଳି ଖାଁ ଖାଁ । ଖାଲି ବିଜେଡି କି ବିଜେପି କାହିଁକି କଂଗ୍ରେସରେ ମଧ୍ୟ ଟିକେଟ୍‌ ଅଙ୍କ ଜଟିଳ ହେବାରେ ଲାଗିଛି । ଧର୍ମଗଡ଼ ଓ ଲାଞ୍ଜିଗଡ଼ ପାଇଁ ଦଳ ପ୍ରାର୍ଥୀ ଫାଇନାଲ କରିଥିଲେ ମଧ୍ୟ ଜିଲ୍ଲାର ଅନ୍ୟ ନିର୍ବାଚନ ମଣ୍ଡଳୀରେ କାହାକୁ ପ୍ରାର୍ଥୀ କରାଯିବ ସେ ନେଇ କିଛି ଫାଇନାଲ ହୋଇପାରିନାହିଁ।

ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରାର୍ଥୀ ପତ୍ର ଦାଖଲ ଶେଷ ତାରିଖ ମାର୍ଚ୍ଚ ୨୫ । ସେହିଭଳି ଏପ୍ରିଲ ୯ରେ ସରିବ ପ୍ରଚାର । ହାତରେ ଆଉ ମାତ୍ର ୧୩-୧୪ଦିନ ସମୟ । ଏତେ କମ୍‌ ସମୟ ଭିତରେ ନିଜ ନିର୍ବାଚନ ମଣ୍ଡଳୀରେ ପ୍ରାର୍ଥୀ କେମିତି ସବୁ ଲୋକଙ୍କ ପାଖରେ ପହଞ୍ଚିବେ, କେମିତି ଦଳୀୟ ଇସ୍ତାହାରକୁ ଭୋଟରଙ୍କ ପାଖରେ ପହଞ୍ଚାଇବେ ସେଇ ଚିନ୍ତାରେ ନେତା ଆଖିରୁ ନିଦ ହଜିଗଲାଣି । ପ୍ରଚାର ପାଇଁ କମ୍‌ ସମୟ ଥିବାରୁ ଏଥର ନିର୍ବାଚନରେ ପ୍ରଚୁର ଟଙ୍କା କାରବାର ହେବା ନେଇ ମଧ୍ୟ ଚର୍ଚ୍ଚା ହେଉଛି ।

   Related Posts