ବାଂଶପାଳ ୧୭।୧୦: ବଡ ଭାଇର ଟାଗିଂଆ ଚୋଟରେ ସାନ ଭାଇର ମୃତ୍ୟୁ ହୋଇଛି । ଅଭିଯୁକ୍ତ ବଡ଼ଭାଇ ଥାନାରେ ଆତ୍ମ ସମର୍ପଣ କରିଛି । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ୍ ନୟାକୋଟ ଥାନା ଶାଗପାଲି ଗ୍ରାମର ସିନ୍ଧୁସାହିରେ ଘଟିଛି ଅଭାବନୀୟ ଘଟଣା ।
{"id":170867}ସୂଚନାଯୋଗ୍ୟ ଯେ, ଶାଗପାଳି ଗ୍ରାମର ସିନ୍ଧୁସାହିର ମଧୁ ପାତ୍ରଙ୍କ ବଡ ପୁଅ ଚୌଧୁରୀ ପାତ୍ର ଓ ସାନପୁଅ ଅଜୟ ପାତ୍ରଙ୍କ ମଧ୍ୟରେ ବାରମ୍ବାର ଗଣ୍ଡଗୋଳ ଲାଗି ରହୁଥିଲା । ପରେ ଏହା ଭୟଙ୍କର ରୂପ ନେଇଥିଲା । ବଡ ଭାଇ ଚୌଧୁରୀ ପାତ୍ରକୁ ସାନ ଭାଇ ଅଜୟ ପାତ୍ର କିଛି ଦିନ ପୂର୍ବରୁ ଆକ୍ରମଣ କରିଥିଲା ଏବଂ ଏଥିରେ ଚୌଧୁରୀ ଆଘାତ ହୋଇଥିଲେ । ପରେ ସାନ ଭାଇ ଅଜୟ କାଳେ ତାଙ୍କୁ ଜୀବନରୁ ମାରିଦେବା ଭୟରେ ପ୍ରତିଶୋଧ ପରାୟଣ ହୋଇ ବଡ ଭାଇ ଚୌଧୁରୀ ପାତ୍ର ସାନ ଭାଇ ଅଜୟ ପାତ୍ରଙ୍କୁ ଏକ ଟାଗିଂଆରେ ହାଣି ହତ୍ୟା କରିଥିଲା । ଫଳରେ ଅଜୟଙ୍କ ମୃତ୍ୟୁ ହୋଇଥିଲା ।
{"id":170869}ପରେ ତାଙ୍କ ବାପା ମଧୁ ପାତ୍ର ସଂଧ୍ୟାରେ ନୟାକୋଟ ଥାନାକୁ ଆସି ଏତଲା ଦେଇଥିଲେ ପରେ କିଛି ସମୟ ପରେ ଅଭିଯୁକ୍ତ ଚୌଧୁରୀ ନୟାକୋଟ ଥାନାରେ ଆସି ଆତ୍ମସମର୍ପଣ କରିଥିଲା । ନୟାକୋଟ ଥାନା ଅଧିକାରୀ ବିଦେଶୀ ବାଗ ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ କରିଛନ୍ତି ।