Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ଏକନାଥ ସିନ୍ଦେ ହେଲେ ଶିବସେନା ବିଧାୟକ ଦଳ ନେତା, ପାର୍ଟିକୁ ମିଳିଛି ଉପମୁଖ୍ୟମନ୍ତ୍ରୀ ସମେତ ୧୬ ମନ୍ତ୍ରୀ ପଦ

31/10/2019 at 5:36 PM

ମୁମ୍ବାଇ : ବରିଷ୍ଠ ବିଧାୟକ ଏକନାଥ ସିନ୍ଦେଙ୍କୁ ଗୁରୁବାର ଶିବସେନା ବିଧାୟକ ଦଳ ନେତା ମନୋନୟନ କରିଛି। ଏଠାରେ ଅନୁଷ୍ଠିତ ଦଳର ବୈଠକରେ ଆଦିତ୍ୟ ଠାକରେ ଏକନାଥଙ୍କ ନାମ ସୁପାରିଶ କରିଥିଲେ। ସମସ୍ତ ବିଧାୟକ ଏଥିନିମନ୍ତେ ସହମତ ହୋଇଛନ୍ତି। ଏକନାଥ ବିଧାୟକ ଦଳ ନେତା ମନୋନୀତ ହେବା ପରେ ସନ୍ଧ୍ୟାରେ ଶିବସେନା ନେତା ଆଦିତ୍ୟ ଠାକରେ, ସୁଭାଷ ଦେଶାଇ, ଦିବାକର ରାଉତେ ଓ ରାମଦାସ କଦମହଙ୍କ ସମେତ ସମସ୍ତ ବିଧାୟକଙ୍କୁ ନେଇ ରାଜଭବନ ଯିବେ ବୋଲି ଜଣାପଡିଛି।

ବିଜେପି ଓ ଶିବସେନା ସରକାର ନେଇ ଏପର୍ଯ୍ୟନ୍ତ କୌଣସି ନିଷ୍ପତ୍ତି ହୋଇପାରିନଥିବା ବେଳେ ଅମିତ ଶାହଙ୍କ ମୁମ୍ବାଇ ଗସ୍ତ ପରେ ସହଯୋଗୀଙ୍କ ଚିତ୍ର ସ୍ପଷ୍ଟ ହେବ ବୋଲି ଅନୁମାନ କରାଯାଉଛି। ତେବେ ଶିବସେନା ତାର ୫୦-୫୦ ଜିଦ୍ ରେ ଏବେବି ଅଟଳ ରହିଛି। ସେପଟେ ରାଜ୍ୟରେ ତୁରନ୍ତ ସରକାର ଗଠନ ଲାଗି ବିଜେପି ତତ୍ପରତା ପ୍ରକାଶ କରିଛି। ଦଳରେ ସହଯୋଗୀ ହେବା ଲାଗି ରାଜ୍ୟ ବିଜେପି ଶିବସେନାକୁ ଉପମୁଖ୍ୟମନ୍ତ୍ରୀ ପଦ ସମେତ ୮ କ୍ୟାବିନେଟ୍ ଓ ୮ ରାଷ୍ଟ୍ରମନ୍ତ୍ରୀ ପଦ ଦେବାକୁ ସହମତ ଥିବା ପ୍ରସ୍ତାବ ଦେଇଥିବା ଜଣାପଡିଛି।

ଗତଥର ସରକାରରେ ଶିବସେନାର ୬ଜଣ କ୍ୟାବିନେଟ୍ ମନ୍ତ୍ରୀ ଥିବା ବେଳେ ୭ ରାଷ୍ଟ୍ରମନ୍ତ୍ରୀ ଥିଲେ। ହେଲେ ଏବେ ଉପୁଜିଥିବା ପରିସ୍ଥିତିରେ ବିଜେପି ୨ଟି ଅଧିକ କ୍ୟାବିନେଟ୍ ମନ୍ତ୍ରୀ ଓ ଗୋଟିଏ ରାଷ୍ଟ୍ରମନ୍ତ୍ରୀ ପଦର ଅଫର ଦେଇଛି। ଏହା ଛଡା ଶିବସେନାକୁ କେନ୍ଦ୍ରମନ୍ତ୍ରୀମଣ୍ଡଳରେ ବି ଆଉ ଗୋଟିଏ ଅଧିକ ମନ୍ତ୍ରୀପଦ ପ୍ରଦାନ ନିମନ୍ତେ ଦଳ ରାଜିଥିବା ଜଣାପଡିଛି। ତେବେ ଯାହାବି ନିଷ୍ପତ୍ତି ହେବ ଅମିତ ଶାହ ମୁମ୍ବାଇ ପହଞ୍ଚିବା ପରେ ହେବ ବୋଲି ଅନୁମାନ କରାଯାଉଛି।

   Related Posts