Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ନିର୍ଦ୍ଦୟ ମାଲିକ ; ପାରା ପାଇଁ ୮ ବର୍ଷର ଝିଅକୁ ପିଟି ପିଟି ନିର୍ମମ ହତ୍ୟା

14/06/2020 at 2:52 PM

ରାୱଲପିଣ୍ଡି ୧୪।୦୬: ପାକିସ୍ତାନରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ସେଠାରେ କିଛି ପୋଷା ପାରାଙ୍କୁ ଛାଡି ଦେଇଥିବାରୁ ଏକ ୮ ବର୍ଷୀୟା ବାଳିକାକୁ ପିଟି ପିଟି ହତ୍ୟା କରାଯାଇଛି । ଜାହରା ଶାହ ନାମ୍ନୀ ଏହି ବାଳିକାଟିକୁ ଜଣକ ଘରେ କାମ କରିବା ପାଇଁ ନିୟୋଜିତ କରାଯାଇଥିଲା । ଘରର ମାଲିକ ହାସନ ସିଦ୍ଦିକ ଝିଅର ପରିବାର ଲୋକଙ୍କୁ ପ୍ରତିଶ୍ରୁତି ଦେଇଥିଲେ ଯେ ସେମାନେ ତା’ର ପାଠପଢ଼ା ପାଇଁ ବ୍ୟବସ୍ଥା କରିବେ । 

କିନ୍ତୁ କିଛି ସପ୍ତାହ ତଳେ ଝିଅଟି ଉକ୍ତ ବ୍ୟକ୍ତିଙ୍କ ଘରେ ରଖାଯାଇଥିବା କିଛି ପୋଷା ପାରାଙ୍କୁ ଛାଡି ଦେଇଥିଲା । ପ୍ରକୃତରେ ଝିଅଟି ପଞ୍ଜୁରୀ ଭିତରେ ଖାଦ୍ୟ ରଖିବା ପାଇଁ ତା’ର ଦ୍ୱାରକୁ ଖୋଲିଥିଲାବେଳେ ପାରାମାନେ ଖସି ପଳାଇଥିଲେ । ଏହି ଘଟଣାରେ କ୍ଷୁବ୍ଧ ହୋଇ ଘର ମାଲିକ ଏବଂ ତାଙ୍କ ପତ୍ନୀ ତା’କୁ ନିର୍ଧୂମ ପିଟିବା ଆରମ୍ଭ କରିଥିଲେ । ଏହାଯୋଗୁ ସେ କ୍ଷତାକ୍ତ ଓ ରକ୍ତାକ୍ତ ହୋଇପଡିଥିଲା । ତା’ ପରେ ଘର ମାଲିକ ତା’କୁ ନେଇ ସ୍ଥାନୀୟ ହସ୍ପିଟାଲକୁ ଯାଇଥିଲେ କିନ୍ତୁ ସେଠାରେ ଝିଅଟିର ଚିକିତ୍ସା ଚାଲିଥିଲାବେଳେ ସେ ସେଠାରୁ ଖସି ପଳାଇଥିଲେ । ଏହାପରେ ହସ୍ପିଟାଲ ତରଫରୁ ପୁଲିସକୁ ଏନେଇ ସୂଚନା ଦିଆଯାଇଥିଲା । ଜୁନ୍‌ ୧ରେ ଝିଅଟିର ମୃତ୍ୟୁ ହୋଇଥିଲା । ଏହି ଘଟଣା ପାକିସ୍ତାନରେ ଆଲୋଡନ ସୃଷ୍ଟି କରିଥିଲା ଏବଂ ଉକ୍ତ ଶିଶୁଟିକୁ ନ୍ୟାୟ ଦେବା ପାଇଁ ବିଭିନ୍ନ ମହଲରୁ ଦାବି ଉଠିଥିଲା । ପାକିସ୍ତାନର ପୁଲିସ ଇତିମଧ୍ୟରେ ଉକ୍ତ ବ୍ୟକ୍ତି ଏବଂ ତାଙ୍କ ପତ୍ନୀଙ୍କୁ ଗିରଫ କରିଛି । ଉଭୟଙ୍କର ଲାଇ ଡିଟେକ୍ଟର ଟେଷ୍ଟ କରାଯିବାକୁ ଧାର୍ଯ୍ୟ ହୋଇଛି ।

   Related Posts