Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ସାଧାରଣ ଜନତାଙ୍କୁ ଝଟ୍‌କା ! ଫଳ ଓ ପନିପରିବା ପରେ ବଢିପାରେ ଖାଇବା ତେଲ ଦର

10/06/2020 at 12:58 PM

ନୂଆଦିଲ୍ଲୀ ୧୦/୦୬ : କରୋନା ସଙ୍କଟ ମଧ୍ୟରେ ବର୍ତ୍ତମାନ ଜନତାଙ୍କୁ ମହଙ୍ଗା ମାଡର ସାମ୍ନା ମଧ୍ୟ କରିବାକୁ ପଡିପାରେ | ଯାହାର ପ୍ରଭାବ ଆଗାମୀ ଦିନରେ ରୋଷେଇ ଉପରେ ପଡିପାରେ | ଫଳରେ ରୋଷେଇଘର ବଜେଟ ବିଧିବର ଆଶଙ୍କା ରହିଛି | ନ୍ୟୁଜ ଏଜେନ୍ସି ରାଇଟର୍ସଙ୍କ ଅନୁଯାୟୀ, କେନ୍ଦ୍ର ସରକାର ଖାଦ୍ୟ ତୈଳ ଉପରେ ଆମଦାନୀ ଶୁଳ୍କ ବଢାଇବା ପାଇଁ ବିଚାର କରୁଛନ୍ତି | ହୋଟେଲ, ରେସ୍ତୋରାଁ ଓ କ୍ୟାଣ୍ଟିନ ଖୋଲିବା ପରେ ଫଳ, ପନିପରିବା ଦର ବୃଦ୍ଧି ପାଇବା ଆଶଙ୍କା କରାଯାଉଛି | ନିକଟରେ ମୋଦି ସରକାର ଆତ୍ମନିର୍ଭର ଭାରତ ନିର୍ମାଣର ଘୋଷଣା କରି ତାକୁ ଆଗକୁ ବଢାଇବା ପ୍ରତି ଜୋର ଦେଇଥିଲେ | ସରକାରଙ୍କ ଲକ୍ଷ୍ୟ ଆମଦାନୀ ଶୁଳ୍କ ବୃଦ୍ଧି କରି ଦେଶରେ ତୈଳ ଉତ୍ପାଦନକୁ ପ୍ରୋତ୍ସାହନ ଦେବା |

ସରକାର ଦେଶରେ ଖାଇବା ତୈଳ ଉତ୍ପାଦନ ମାମଲାରେ ଆତ୍ମନିର୍ଭର କରିବାକୁ ଚାହୁଁଛନ୍ତି | କାରଣ ଏହାଫଳରେ ଚାଷୀଙ୍କ ରୋଜଗାର ବଢିବ, ରୋଜଗାର ମଉକା ବଢିବ ଏବଂ ଦେଶର ରପ୍ତାନି ମଧ୍ୟ ବୃଦ୍ଧି ପାଇବ | ସୋଲଭେଣ୍ଟ ଏକ୍ସଟ୍ରାକ୍ଟର ଆସୋସିଏସନ୍ ଅଫ୍ ଇଣ୍ଡିଆର ମହାନିର୍ଦେଶକ ବି.ବି.ମେହତା ଗଣମାଧ୍ୟମକୁ କହିଛନ୍ତି ଯେ, ସରକାର ଖାଦ୍ୟ ତୈଳ ଆମଦାନୀ ଉପରେ ଅଙ୍କୁଶ ଲଗାଇବା ଏବଂ ଦେଶରେ ତୈଳ ଉଦ୍ୟୋଗ ବୃଦ୍ଧି କରିବା ପାଇଁ ପରାମର୍ଶ ମାଗିଛନ୍ତି | ତୈଳ ଉତ୍ପାଦନ ବଢାଇବା ପାଇଁ ସେ ସରକାରଙ୍କୁ ଅନେକ ପରାମର୍ଶ ମଧ୍ୟ ଦେଇଛନ୍ତି ବୋଲି କହିଛନ୍ତି |

ସୂତ୍ରରୁ ଜଣାପଡିଛି ଯେ, ଦେଶ ମାଲେସିଆରୀ ପାମ ତେଲ, ଆମଦାନୀ କରେ | ଯଦି ସରକାର ଶୁଳ୍କ ବଢ଼ାନ୍ତି ତାହେଲେ ତୈଳ ଦର ବୃଦ୍ଧି ପାଇବ ଏବଂ ଆମଦାନୀ ମଧ୍ୟ ହ୍ରାସ ପାଇବ | ଯାହାଫଳରେ ସୋରିଷ, ସୋୟାବିନ, ବାଦାମ ଆଦି ତୈଳର ଚାହିଦା ବୃଦ୍ଧି ପାଇବ | ଚାହିଦା ବୃଦ୍ଧି ପାଇବ ସହ ଉତ୍ପାଦନ ମଧ୍ୟ ବୃଦ୍ଧି ପାଇବ | ସରକାରଙ୍କ କହିବାନୁଯାୟୀ, ଟ୍ୟାକ୍ସରୁ ଆସୁଥିବା ଟଙ୍କା ଦେଶରେ ତୈଳ ଉତ୍ପାଦନ କରିବାରେ ବ୍ୟବହାର କରାଯିବ | ଜଣେ ଅଧିକାରୀ ଏବଂ ଉଦ୍ୟୋଗ ସୂତ୍ରରୁ ଜଣାପଡିଛି ଯେ ତୈଳ ଶୁଳ୍କରେ ୫ ପ୍ରତିଶତ ବୃଦ୍ଧି ହୋଇପାରେ |

ସରକାରଙ୍କ କହିବାନୁଯାୟୀ, ଦେଶରେ ଖାଇବା ତୈଳର ଆମଦାନୀ ବୃଦ୍ଧି ପାଇଛି | ମୋଟ ଖର୍ଚ୍ଚର ପାଖାପାଖି ୭୦ ପ୍ରତିଶତ ଖାଇବା ତେଲ ଆମଦାନୀ ହୋଇଥାଏ | ଯାହା ଉପରେ ବର୍ଷକୁ ପାଖାପାଖି ୧୦୦ କୋଟି ଡଲାର ଖର୍ଚ୍ଚ କରାଯାଇଥାଏ | ଯଦି ଟ୍ୟାକ୍ସ ବିଷୟରେ କୁହାଯାଏ ତାହେଲେ ଭାରତରେ କଞ୍ଚା ସୋରିଷ ତେଲ, ସୋୟାବିନ ତେଲ ଓ ସୁରଜମୁଖୀ ତେଲ ଉପରେ ୩୫ ପ୍ରତିଶତ ଆମଦାନୀ ଶୁଳ୍କ ଲାଗିଥାଏ | ଅପରପକ୍ଷରେ ରିଫାଇନ ପାମ ତେଲ ଉପରେ ୩୭.୫ ପ୍ରତିଶତ ଓ ରିଫାଇନ ତେଲ ଉପରେ ୪୫ ପ୍ରତିଶତ ଆମଦାନୀ ଶୁଳ୍କ ଲାଗିଥାଏ |

   Related Posts