Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଗୋଲାପି ରଙ୍ଗରେ ସଜେଇ ହୋଇଛି କୋଲକାତା- ଭାରତ ପିଙ୍କ ବଲ୍‌ରେ ଖେଳିବ ପ୍ରଥମ ଦିବା ରାତ୍ର ମ୍ୟାଚ

21/11/2019 at 10:45 PM

କୋଲକାତା ୨୧।୧୧ –  ଆସନ୍ତାକାଲି କୋଲକାତା ଇଡେନ୍‌ ଗାର୍ଡେନ୍‌ରେ ଭାରତ ବାଂଲାଦେଶ ମଧ୍ୟରେ ଆରମ୍ଭ ହେବାକୁ ଯାଉଛି ଦ୍ବିତୀୟ ଟେଷ୍ଟ । ତେବେ ଏହି ଟେଷ୍ଟ ମ୍ୟାଚ୍‌ର ପ୍ରମୁଖତା ହେଉଛି ଯେ ଭାରତ ତାର ଟେଷ୍ଟ ଇତିହାସରେ ପ୍ରଥମ ଥର ପାଇଁ ଦିବା ରାତ୍ର ଟେଷ୍ଟ ମ୍ୟାଚ୍‌ ଖେଳିବାକୁ ଯାଉଛି । ଏହି ମ୍ୟାଚ୍‌ ପୁଣି ଖେଳାଯିବ ପିଙ୍କ୍‌ ବଲ୍‌ରେ । ତେଣୁ କୋଲକାତା ଇଡେନ୍ ଗାର୍ଡେନ୍‌ ସହ ଐତିହାସିକ ସିଟିକୁ ପୂରା ଗୋଲାପି ରଙ୍ଗରେ ସଜେଇ ଦିଆଯାଇଛି ।

ପିଙ୍କ ସିଟି ଜୟପୁର । କିନ୍ତୁ ଏବେତ ଜୟପୁର ହୋଇଛି ଗୋଲାପି ଗୋଲାପି। ଗୋଲାପି ରଙ୍ଗରେ ସଜେଇ ହୋଇଛି କୋଲକାତା । କାରଣ ଇଡେନ୍‌ ଗାର୍ଡେନ୍‌ରେ ଭାରତ ଖେଳିବାକୁ ଯାଉଛି ପ୍ରଥମ ଡେ ଆଣ୍ଡ ନାଇଟ୍ ଟେଷ୍ଟ ମ୍ୟାଚ୍‌ । ପାରମ୍ପରିକ ଲାଲ୍‌ ବଲ୍ ପରିବର୍ତ୍ତେ ପ୍ରଥମ ଥର ପାଇଁ ଭାରତ ପିଙ୍କ ବଲ୍‌ରେ ଖେଲିବ । ବିସିସିଆଇ ମୁଖ୍ୟ ସୌରଭ ଗାଙ୍ଗୁଲି ଏହି ଟେଷ୍ଟକୁ ପିଙ୍କ ବଲ୍‌ରେ କରିବାକୁ ଐତିହାସିକ ନିଷ୍ପତ୍ତି ନେଇଛନ୍ତି ।

ବିଶେଷଜ୍ଞଙ୍କ କହିବା ଅନୁଯାୟୀ ପିଙ୍କ୍ ବଲ୍ ଟେଷ୍ଟ ପାଇଁ ସବୁଠାରୁ ଉପଯୁକ୍ତ ଭେନ୍ୟୁ ହୋଇପାରିବ ଇଡେନ୍ ଗାର୍ଡେନ୍ । କାରଣ ଏଠି ସମସ୍ତ ପ୍ରକାର ସୁବିଧା ରହିଛି । ଦୁଲୀପ ଟ୍ରଫି ଦିବାରାତ୍ର ମ୍ୟାଚରେ କୋକାବୁରା ବଲର ବ୍ୟବହାର କରାଯାଇଥିଲା । ହେଲେ ଏହି ଟେଷ୍ଟ ମ୍ୟାଚ୍ ପାଇଁ ଏସଜି ବଲ ବ୍ୟବହାର ହେବ ।

ମାନେ ଅଧିକ ସ୍ପିନ ହେବ।  ଲାଲ୍ ବଲ୍ ତୁଳନାରେ ପିଙ୍କ୍ ବଲର ବାହାର ଭାଗ ଅଧିକ ଚିକ୍କଣ ଥାଏ । ତେଣୁ ଘାସ ଏଠାରେ ପ୍ରମୁଖ ଭୂମିକା ନେବ । ଇଡେନ୍‌ର ଆଉଟଫିଲ୍ଡରେ ଅଧିକ ଘାସ ରହିଛି। ଏହାସହ ଏଠାକାର ପିଚ୍‌ର କଳା ମାଟି ମଧ୍ୟ ଚିକ୍କଣ।  ରାତିରେ ଲାଲ୍ ଏବଂ ଧଳା ବଲ୍ ଦେଖିବା କଷ୍ଟକର ହେଉଥିବାରୁ ବହୁ ପରୀକ୍ଷା ନିରୀକ୍ଷା ପରେ ପିଙ୍କ୍‌ ବଲ୍‌ରେ ଏହାକୁ ଖେଳା ଯାଇଥିଲା।

ଏହି ମ୍ୟାଚକୁ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବେଲ୍ ବଜାଇ ଉଦ୍‌ଘାଟନ କରିବେ । ସେହିପରି ମ୍ୟାଚ୍‌ ପାଇଁ ପାରା ଟ୍ରୁପରର୍ସ ବଲ୍ ଧରି ପଡିଆରେ ଓହ୍ଲାଇବେ ଏବଂ ଦୁଇ କ୍ୟାପଟେନ୍‌କୁ ଏହା ହସ୍ତାନ୍ତର କରିବେ । ପ୍ରଥମ ଟେଷ୍ଟରେ ଭାରତ ଏକପାଖିଆ ବିଜୟ ହାସଲ କରିଥିବାରୁ ଏହ ମ୍ୟାଚ୍‌ ଭାରତ ଆଡଭାଣ୍ଟେଜରେ ରହିବ ।

   Related Posts