Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମନି ଲଣ୍ଡରିଂ ମାମଲା : ବରିଷ୍ଠ କଂଗ୍ରେସ ନେତା ଡି କେ ଶିବକୁମାରଙ୍କ ଝିଅ ଐଶ୍ବର୍ଯ୍ୟାଙ୍କୁ ଜେରା କରିବ ଇଡି

12/09/2019 at 11:10 AM

ନୂଆଦିଲ୍ଲୀ ୧୨।୯: କଂଗ୍ରେସର ବରିଷ୍ଠ ନେତା ଡିକେ ଶିବକୁମାରଙ୍କ ଝିଅ ଐଶ୍ବର୍ଯ୍ୟାଙ୍କୁ ଆଜି ପ୍ରବର୍ତ୍ତନ ନିର୍ଦ୍ଦେଶାଳୟ ପଚରାଉଚରା କରିବ । ମନି ଲଣ୍ଡରିଂ ମାମଲାରେ ତାଙ୍କୁ ପଚରାଉଚରା କରିବ ଇଡି । ପୂର୍ବରୁ ଇଡି ଐଶ୍ବର୍ଯ୍ୟାଙ୍କୁ ହାଜର ହେବା ପାଇଁ ସମନ କରିଥିଲା । ସମନ ପାଇବା ପରେ ଐଶ୍ବର୍ଯ୍ୟା ଦିଲ୍ଲୀରେ ପହଞ୍ଚିଥିଲେ ।

ସୂଚନାଯୋଗ୍ୟ ଯେ, ୨୦୧୭ ମସିହାରେ କଂଗ୍ରେସ ନେତା ଡିକେ ଶିବକୁମାର ନିଜ ଝିଅ ଐଶ୍ବର୍ଯ୍ୟାଙ୍କ ସହ ବିଜନେସ୍ ଟୁରରେ ସିଙ୍ଗାପୁର ଯାଇଥିଲେ । ଏହି ଟୁର୍ ବେଳେ ସେ ଏକ ବ୍ୟବସାୟିକ ଚୁକ୍ତି ମଧ୍ୟ କରିଥିଲେ । ଏହି ବ୍ୟବସାୟିକ ଚୁକ୍ତି ସମ୍ବନ୍ଧରେ ପ୍ରବର୍ତ୍ତନ ନିର୍ଦ୍ଦେଶାଳୟ ଯାଞ୍ଚ କରୁଛି ।

ପୂର୍ବରୁ ମଧ୍ୟ ପ୍ରବର୍ତ୍ତନ ନିର୍ଦ୍ଦେଶାଳୟ ଡିକେ କୁମାରଙ୍କ ଅତି ଘନିଷ୍ଠ ସହଯୋଗୀ ସଚିନ ନାରାୟଣଙ୍କୁ ଜେରା କରିସାରିଛି ।

   Related Posts