Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଅଡୁଆରେ ମନ୍ତ୍ରୀ ନଓ୍ବାବ ମଲିକ : ଓ୍ବାକଫ୍‌ ବୋର୍ଡ ଜମି ଜାଲିଆତି ମାମଲାରେ ୭ଟି ସ୍ଥାନରେ EDର ଚଢାଉ, ଗୁରୁତ୍ବପୂର୍ଣ୍ଣ ଦସ୍ତାବିଜ୍ ଜବତ

11/11/2021 at 3:46 PM

ପୁଣେ ୧୧/୧୧ : ପୁଣି ଅଡୁଆରେ ମହାରାଷ୍ଟ୍ର ସରକାରର ମନ୍ତ୍ରୀ ତଥା ଏନ୍‌ସିପି ନେତା ନଓ୍ବାବ ମଲିକ । ମହାରାଷ୍ଟ୍ର ଓ୍ବାକଫ୍‌ ବୋର୍ଡ ଜମି ଜାଲିଆତି ମାମଲାରେ ଏବେ ଆକ୍ସନ ମୋଡରେ ପ୍ରବର୍ତ୍ତନ ନିର୍ଦେଶାଳୟ ବା ED । ଗୁରୁବାର ପୁଣେର ୭ଟି ସ୍ଥାନରେ ମାରାଥନ୍‌ ଚଢାଉ କରିଛି ପ୍ରବର୍ତ୍ତନ ନିର୍ଦେଶାଳୟ । ଚଢାଉ ବେଳେ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ ହୋଇଥିବା ନେଇ ସୂଚନା ମିଳିଛି । ଚଢାଉ ବେଳେ, ଓ୍ବାକଫ୍‌ ବୋର୍ଡ ଜମିକୁ ବେଆଇନ ବିକ୍ରି କରାଯିବା ଏବଂ ଏଥିରେ ବ୍ୟାପକ ମାତ୍ରା​‌ରେ ହେରଫେର କରାଯିବା ନେଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତେବେ ବଡ କଥା ହେଉଛି ଓ୍ବାକଫ୍‌ ବୋର୍ଡ ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ନଓ୍ବାବ ମଲିକଙ୍କ ମନ୍ତ୍ରାଳୟ ଅଧିନରେ ହିଁ ଯାଉଛି ।

ମନ୍ତ୍ରୀଙ୍କ ବିଭାଗରେ ଏଭଳି ବ୍ୟାପକ ହେରଫେର ନେଇ ସୂଚନା ମିଳିବା ପରେ ଇଡି ପକ୍ଷରୁ ତତ୍ପରତା ପ୍ରକାଶ ପାଇଛି । ED ପକ୍ଷରୁ ଏମିତି ସମୟରେ ରେଡ୍‌ କରାଯାଇଛି ଯେତେବେଳେ କି ଏହି ବିଭାଗର ମନ୍ତ୍ରୀ ନିଜେ କ୍ରୁଜ୍‌ ଡ୍ରଗ୍ସ ଲିଙ୍କ ମାମଲାରେ, ଏନ୍‌ସିବି ଏବଂ ଯାଞ୍ଚ ଅଧିକାରୀ ସମୀର ଓ୍ବାଙ୍ଖେଡେଙ୍କୁ ଟାର୍ଗେଟ କରିଆସୁଛନ୍ତି । ଏମିତିକି ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସଙ୍କ ବିରୋଧରେ ମଧ୍ୟ ଅନେକ ସଙ୍ଗୀନ ଅଭିଯୋଗ ଆଣିଥିଲେ ।

ଏହା ପୂର୍ବରୁ ନଓ୍ବାବ ମଲିକଙ୍କ ଜ୍ବାଇଁ ସମୀର ଖାନ, ଦେବେନ୍ଦ୍ର ଫଡଣବୀସଙ୍କ ବିରୁଦ୍ଧରେ ମାନହାନୀ ନୋଟିସ ଜାରି କରିଛନ୍ତି । ସମୀରଙ୍କ ଘରୁ ଡ୍ରଗ୍ସ ଜବତ ହୋଇଥିଲା ବୋଲି କହିଥିଲେ ଦେବେନ୍ଦ୍ର ଫଡନବୀସ । ଏହାକୁ ରୋକ୍‌ଠୋକ୍‌ ବିରୋଧ କରିବା ସହିତ ଘରୁ ଡ୍ରଗ୍ସ ମିଳିନଥିବା ନେଇ କହିଥିଲେ । ମାନହାନୀ କରିଥିବାରୁ ଫଡଦବୀସଙ୍କୁ କୋର୍ଟ ନୋଟିସ ପଠାଇବା ସହିତ ୫ କୋଟି ଟଙ୍କାର ଜରିମାନା ଦେବା ପାଇଁ ମଧ୍ୟ କହିଥିଲେ ।

ଏହା ପୂର୍ବରୁ ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ଅଭିଯୋଗ କରିଥିଲେ ଯେ, ନଓ୍ବାବ ମଲିକଙ୍କ ପରିବାର ଲୋକେ ଅଣ୍ଡରଓ୍ବାର୍ଲ୍ଡ ଲୋକଙ୍କ ଠାରୁ ବେଆଇନ ଭାବେ ଜମି କିଣିଥିଲେ । ଏହା ମଧ୍ୟ କହିଥିଲେ ଯେ, ଅଣ୍ଡରଓ୍ବାର୍ଲ୍ଡ ଡନ୍‌ ଦାଉଦ ଇବ୍ରାହିମ ଠାରୁ ଶସ୍ତାରେ ଜମି କିଣିଥିଲେ ନଓ୍ବାବ ମଲିକଙ୍କ ଜ୍ବାଇଁ ସମୀର ଖାନ । ଏହାର ଜବାବ​‌​‌ରେ ପ୍ରେସ କନଫରେନ୍ସ କରି ଦେବେନ୍ଦ୍ର ଫଡନବୀସଙ୍କ ଉପରେ ବର୍ଷିଥିଲେ ନଓ୍ବାବ ମଲିକ । କହିଥିଲେ, ଫଡନବୀସଙ୍କ ଆର୍ଶୀବାଦରେ ମହାରାଷ୍ଟ୍ରରେ ଜାଲ ନୋଟ କାରବାର ଚାଲିଥିଲା ।

   Related Posts