Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଞ୍ଜେଲା ମାର୍କେଲଙ୍କ ଯୁଗ ଶେଷ ! ଜର୍ମାନ ନିର୍ବାଚନରେ ଖୁବ୍ କମ ଭୋଟରେ ହାରିଲା ମାର୍କେଲଙ୍କ ପାର୍ଟି, କ୍ଷମତା ଡୋର ସୋସିଆଲ ଡେମୋକ୍ରାଟ୍ସଙ୍କ ହାତକୁ ଯିବ
  • ||
  • ଭୁବନେଶ୍ବର : ‘ଗୁଲାବ’ ପ୍ରଭାବରେ ରାଜ୍ୟର ହୋଇନି ବେଶୀ ପବନ, କୋରାପୁଟ ଓ ମାଲକାନଗିରି ଜିଲ୍ଲାର ଗୋଟିଏ ଗୋଟିଏ ବ୍ଲକ୍‌ରେ ଅଧିକ ବର୍ଷା : SRC
  • ||
  • କାଲିମେଳା : ରାସ୍ତାରେ ଚାଲୁଛି ୨ରୁ ୩ଫୁଟ ବର୍ଷାଜଳ, ଉଭୟ ପାର୍ଶ୍ବରେ ଅଟକିଛି ଯାନବାହାନ
  • ||
  • ମୋହନା : ଗଜପତିରେ ପ୍ରଭାବ ପକାଇଲା ‘ଗୁଲାବ’, ବିଭିନ୍ନ ସ୍ଥାନରେ ଗଛ ପଡି ରାସ୍ତା ଅବରୋଧ
  • ||
  • ଆଇପିଏଲ ୨୦୨୧ : ୪୦ ତମ ଲିଗ୍‌ ମୁକାବିଲାରେ ମୁହାଁମୁହିଁ ହେବେ ହାଇଦ୍ରାବାଦ ଓ ରାଜସ୍ଥାନ
  • ||
  • କେନ୍ଦୁଝର : ବଣୁଆ ହାତୀ ଆକ୍ରମଣରେ ଜଣଙ୍କର ମୃତ୍ୟୁ, ମଞ୍ଚାରୁ ଓହ୍ଲାଇ ଘରକୁ ଯିବାବେଳେ ଆକ୍ରମଣର ଶିକାର
  • ||
  • ଜୟପୁର : ଲଗାଣ ବର୍ଷା ଯୋଗୁଁ ଧସିଲା ମାଟି ଅତଡା, ଜାତୀୟ ରାଜପଥ ଅବରୋଧ
  • ||
  • ଭୁବନେଶ୍ବର : ବାତ୍ୟାରୁ ଗଭୀର ଅବପାତର ରୂପ ନେଲା ‘ଗୁଲାବ’, ଦକ୍ଷିଣ ଓଡ଼ିଶାର କିଛି ସ୍ଥାନରେ ଲାଗି ରହିଛି ବର୍ଷା
  • ||
  • କୋରାପୁଟ : କୋରାପୁଟ ଜିଲ୍ଲାରେ ‘ଗୁଲାବ’ ପ୍ରଭାବ : ଭାଙ୍ଗିଲା ଘର, ଗଛ ପଡି ରାସ୍ତା ଅବରୋଧ
  • ||
  • ବୈତରଣୀ ପଠାରେ ଚରୁଥିଲେ ମଇଁଷି, ପାଣି ଭିତରକୁ ଟାଣିନେଲା କୁମ୍ଭୀର : ଦେଖନ୍ତୁ ଭିଡିଓ
  • ||

ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଭାଇଙ୍କ ଘରେ ଇଡିର ଚଢ଼ାଉ : ଦେଶର ୧୩ଟି ସ୍ଥାନରେ ଛାନ୍‌ଭିନ୍, ସାର ଦୁର୍ନୀତି ଅଭିଯୋଗ

22/07/2020 at 4:47 PM

ଯୋଧପୁର ୨୨/୦୭ : ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲତଙ୍କ ବଡ ଭାଇ ଅଗ୍ରସେନ ଗେହଲତଙ୍କ ଘର ଓ ଦୋକାନରେ ପ୍ରବର୍ତ୍ତନ ନିର୍ଦେଶାଳୟର ଚଢ଼ାଉ କରିଛି | ସାରା କଳାବଜାରୀ କରିବା ଏବଂ କଥିତ ଭାବେ ବିଦେଶ ପଠାଇ ରୋଜଗାର କରିବା ଆରୋପରେ ପ୍ରବର୍ତ୍ତନ ନିର୍ଦେଶାଳୟ ଚଢ଼ାଉ କରିଛି | ଦେଶରେ ପାଖାପାଖି ୧୨ରୁ ଅଧିକ ଜାଗାରେ ଇଡି ଚଢ଼ାଉ କରିଛି | ଚଢ଼ାଉ ବେଳେ ଅନେକ ଦସ୍ତାବିଜ ମିଳିଥିବା ଦାବି କରାଯାଉଛି | ୬୦ କୋଟି ଟଙ୍କା ଘୋଟାଲା ହୋଇଥିବା କୁହାଯାଇଛି | 

ଇଡି ସୂତ୍ର ଅନୁଯାୟୀ, ମାମଲା ୨୦୦୭ ରୁ ୨୦୦୯ ମସିହା ମଧ୍ୟର, ଯେତେବେଳେ ମନମୋହନ ସିଂହଙ୍କ ସରକାର କେନ୍ଦ୍ରରେ ଥିଲେ | ସେତେବେଳେ ଅଶୋକ ଗେହଲତଙ୍କ ଭାଇ ଅଗ୍ରସେନ ଗେହଲତଙ୍କ ପାଖରେ ଚାଷୀଙ୍କୁ ବିକ୍ରି ହେଉଥିବା ପଟାସ ସାର ବିକ୍ରି ଲାଇସେନ୍ସ ଥିଲା | ଏହି ପଟାସ ସାର ଚାଷୀଙ୍କୁ କମ ଦାମରେ ଦିଆଯାଉଥିଲା | ଅଭିଯୋଗ ହୋଇଛି ଯେ ସମସ୍ତ ଆଇନ କାନୁନକୁ ସାଇଡ କରି ଅଗ୍ରସେନ ଗେହଲତ ଏକ ଷଡଯନ୍ତ୍ର ରଚିଥିଲେ ଓ ପଟାସ ସାର କଳାବଜାରୀ କରିଥିଲେ |

୨୦୧୩-୧୪ ମସିହାରେ ଏହି ଦୁର୍ନୀତି ମାମଲାରେ ଡିଆରଆଇ ଓ କଷ୍ଟମ ବିଭାଗ ଜାଣିବାକୁ ପାଇଥିଲା | ଏହାପରେ ମାମଲାର ଯାଞ୍ଚ ଆରମ୍ଭ ହୋଇଥିଲା | ଅଗ୍ରସେନ ଗେହଲତଙ୍କ ଉପରେ ୫ କୋଟି ଟଙ୍କାରୁ ଅଧିକ ଜରିମାନା ଲଗାଯାଇଥିଲା | ୨୦୧୭-୧୮ ମସିହାରେ ମାମଲାର ଫାଇଲ ମଗାଇ ଇଡି ତଦନ୍ତ ଆରମ୍ଭ କରିଥିଲା | ପ୍ରାରମ୍ଭିକ ତଦନ୍ତରେ ଅଗ୍ରସେନ ଗେହଲତ ଓ ଅନ୍ୟମାନଙ୍କ ବିରୋଧରେ ବିଭିନ୍ନ ଧାରାରେ ମାମଲା ରୂଜୁ କରାଯାଇ ଚଢ଼ାଉ ହୋଇଥିଲା |

ଏହି ମାମଲାରେ ଅଗ୍ରୱାଲ ନାମକ ଜଣେ ବ୍ୟକ୍ତିଙ୍କ ବୟାନ ଅଗ୍ରସେନ ଗେହଲତଙ୍କ ତଣ୍ଟିର ହାଡ ଭଳି ପ୍ରମାଣିତ ହୋଇଛି | ଅଗ୍ରୱାଲ ନିଜ ବୟାନରେ କହିଛନ୍ତି ଯେ ତାଙ୍କ କମ୍ପାନୀ ଜରିଆରେ ନକଲି ଦସ୍ତାବିଜ ଆଧାରରେ ସାର ପଠାଯାଉଥିଲା | ତାଙ୍କ ନାଁରେ ଯେଉଁ କମ୍ପାନୀ ହୋଇଥିଲା ଏବଂ ଯେଉଁ କମ୍ପାନୀ ଜରିଆରେ ସାର ବାହାରକୁ ପଠାଯାଉଥିଲା ସେହି କମ୍ପାନୀ ସହିତ ତାଙ୍କର କୌଣସି ଲେନଦେନ ନଥିଲା | ତାଙ୍କର ଆର୍ଥିକ ସ୍ଥିତି ଭଲା ନଥିଲା | ସେଥିପାଇଁ ସେ କମ୍ପାନୀ କରିବା ପାଇଁ ପ୍ରସ୍ତୁତ ହୋଇଯାଇଥିଲେ | କମ୍ପାନୀ ବଦଳରେ ତାଙ୍କୁ ପ୍ରତି ମାସରେ ଅଧିକ ଟଙ୍କା ଦିଆଯାଉଥିଲା | ଇଡି ଅନୁଯାୟୀ, ବୁଧବାର ଦିନ କୋଲକାତା, ଗୁଜରାଟ, ଦିଲ୍ଲୀ ଓ ରାଜସ୍ଥାନର ଅନେକ ସ୍ଥାନରେ ଚଢ଼ାଉ ହୋଇଛି | ମୋଟ ୧୩ଟି ସ୍ଥାନରେ ଚଢ଼ାଉ ହୋଇଛି | ଏଥିରେ ଅଗ୍ରସେନଙ୍କ ଜୟପୁର ଓ ଯୋଧପୁର ଘର ମଧ୍ୟ ସାମିଲ ଅଛି | କୋଲକାତାର ଏକ ଫାର୍ମରେ ମଧ୍ୟ ଚଢ଼ାଉ ହୋଇଥିଲା | ଦୁର୍ନୀତି ଟଙ୍କା କେଉଁଠାରେ ଖର୍ଚ୍ଚ ହୋଇଛି ତାର ତଦନ୍ତ ଜାରି ରହିଛି | ଏ ସମ୍ପର୍କରେ ସୂଚନା ମିଳିବା ପରେ ସେହି ସବୁ ସମ୍ପତ୍ତି ଜବତ କରାଯିବ ଏବଂ କାର୍ଯ୍ୟାନୁଷ୍ଠାନ ଆରମ୍ଭ କରାଯିବ ବୋଲି ଇଡି କହିଛି |

   Related Posts