Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

କଂଗ୍ରେସକୁ ଝଟକା, ଆସୋସିଏଟେଡ୍ ଜର୍ଣ୍ଣାଲ୍ସର ୧୬.୩୮ କୋଟି ଟଙ୍କାର ସଂପତ୍ତି ଜବତ କଲା ଇଡି

9/05/2020 at 2:56 PM

ନୂଆଦିଲ୍ଲୀ ୦୯।୦୫: ପ୍ରବର୍ତ୍ତନ ନିର୍ଦ୍ଦେଶାଳୟ(ED) ଶନିବାର କଂଗ୍ରେସ ଦ୍ଵାରା ପରିଚାଳିତ ଆସୋସିଏଟେଡ୍ ଜର୍ଣ୍ଣାଲ୍ସ ଲିମିଟେଡ୍(AJL) ଓ ଏହାର ନେତା ମୋତି ଲାଲ ଭୋରାଙ୍କ ୧୬.୩୮ କୋଟି ଟଙ୍କା ମୂଲ୍ୟର ସଂପତ୍ତି ଜବତ କରିଛି। ମନି ଲଣ୍ଡ୍ରିଂ ଯାଞ୍ଚ ସମ୍ବନ୍ଧରେ ଇଡି ଏହି କାର୍ଯ୍ୟାନୁଷ୍ଠାନ ନେଇଛି।

ସୂଚନା ଅନୁଯାୟୀ ଇଡି ମୁମ୍ବାଇ ସ୍ଥିତ ଏକ ନଅ ମହଲା କୋଠା ଜବତ କରିଛି। ଏଥିରେ ଦୁଇଟି ବହୁତଳ ଘର ରହିଛି ଏବଂ ଏହି କୋଠା ୧୫୦୦୦ ବର୍ଗ ମିଟର କ୍ଷେତ୍ରରେ ରହିଛି। ଏଜେନ୍ସି ନିଜର ପ୍ରେସ୍ ବିଜ୍ଞପ୍ତିରେ କହିଛି ଯେ, ଜବତ ସଂପତ୍ତିର ବଜାର ମୂଲ୍ୟ ୧୬.୩୮ କୋଟି ଟଙ୍କା ଆକଳନ କରାଯାଇଛି।

ଧନଶୋଧନ ରୋକଥାମ ଅଧିନିୟମ(PMLA) ଆଧାରରେ ଆସୋସିଏଟେଡ୍ ଜର୍ଣ୍ଣାଲ୍ସ ଲିମିଟେଡ୍ ଓ ଏହାର ଅଧ୍ୟକ୍ଷ ଓ ପରିଚାଳକ ନିର୍ଦ୍ଦେଶକ ମୋତି ଲାଲ ଭୋରାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଏହି ଆଦେଶ ଜାରି କରିଥିଲା। ନ୍ୟାସନାଲ ହେରାଲ୍ଡ ଖବର କାଗଜ ଦ୍ଵାରା ସମୂହ ସଞ୍ଚାଳିତ। ୧୯୩୮ରେ  ଜବାହର ଲାଲ ନେହେରୁ ନ୍ୟାସନାଲ ହେରାଲ୍ଡ ଖବର କାଗଜର ସ୍ଥାପନ କରିଥିଲେ। ତେବେଠୁ ଏହାକୁ କଂଗ୍ରେସର ମୁଖପାତ୍ର କୁହାଯାଏ।

ପ୍ରଥମେ  ଖବର କାଗଜର ମାଲିକାନା ଏଜେଏଲ ପାଖରେ ଥିଲା। କିନ୍ତୁ ଦେଶ ସ୍ଵାଧୀନ ପରେ ୧୯୫୬ରେ ଏଜେଏଲକୁ ଅଣ ବ୍ୟବସାୟିକ କମ୍ପାନୀ ରୂପେ ପ୍ରତିଷ୍ଠା କରାଗଲା। ୨୦୦୮ରେ ଏହାର ସମସ୍ତ ପ୍ରକାଶନ ଉପରେ ରୋକ୍ ଲଗାଯାଇଥିଲା। କମ୍ପାନୀ ଉପରେ ୯୦ କୋଟି ଟଙ୍କାର ଋଣ ବୋଝଭାର ରହିଥିଲା। ଏହା ପରେ କଂଗ୍ରେସ ନେତୃତ୍ଵ ୟଙ୍ଗ ଇଣ୍ଡିଆନ ଲିମିଟେଡ୍ ନାମରେ ଏକ ନୂତନ ଅଣ ବ୍ୟବସାୟିକ କମ୍ପାନୀ ସ୍ଥାପନ କରିଥିଲେ।  ଏଥିରେ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କ ସହିତ ମୋତିଲାଲ ଭୋରା, ସୁମନ ଦୁବେ, ଅସ୍କାର ଫର୍ଣ୍ଣାଡିଜ୍ ଓ ସ୍ୟାମ ପିଟ୍ରୋଡାଙ୍କୁ ନିର୍ଦ୍ଦେଶକ କରାଯାଇଥିଲା।

   Related Posts