Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୂକମ୍ପରେ ଥରିଲା ଋଷ୍ ଏବଂ ଆର୍ଜେଣ୍ଟିନାରେ, ରିକ୍ଟର ସ୍କେଲରେ ୬.୪ ଓ ୬.୩ ତୀବ୍ରତା
  • ||
  • କରୋନା କବଳରୁ ବର୍ତ୍ତିବା ପାଇଁ ଶ୍ରୀଲଙ୍କା ଜେଲ୍‌ରେ କଏଦୀଙ୍କ ଭୟଙ୍କର ଦଙ୍ଗା : ୮ମୃତ
  • ||

ୟେସ୍ ବ୍ୟାଙ୍କ୍ ପ୍ରତିଷ୍ଠାତା ରାଣା କପୁର ଗିରଫ, ୩୦ଘଣ୍ଟା ପଚରାଉଚରା ପରେ ଗିରଫ କଲା ଇଡି

8/03/2020 at 7:35 AM

ମୁମ୍ବାଇ ।୩: ୟେସ୍ ବ୍ୟାଙ୍କର ସହ-ପ୍ରତିଷ୍ଠାତା ରାଣା କପୁର ଗିରଫ । ରବିବାର ସକାଳେ ଦେୱାନ ହାଉସିଂ ଫାଇନାନ୍ସ କର୍ପୋରେସନ୍ ଲିମିଟେଡ୍ (ଏଚଡିଏଫଏଲ) ସହିତ ଜଡିତ ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ତାଙ୍କୁ ଗିରଫ କରିଛି । ପୂର୍ବରୁ ଇଡି ଅଧିକାରୀମାନେ ତାଙ୍କୁ ୩୦ ଘଣ୍ଟା ଧରି ପଚରାଉଚରା କରିଥିଲେ । ଏହାପୂର୍ବରୁ ଶୁକ୍ରବାର ରାତିରେ ୱର୍ଲି ଅଞ୍ଚଳର ‘ସମୁଦ୍ର ମହଲ’ ପରିସରରେ ଥିବା ରାଣାଙ୍କ ବାସଭବନରେ ଖାନ୍ ତଲାସ କରାଯାଇଥିଲା । ସେଠାରେ ମଧ୍ୟ ତାଙ୍କୁ ଇଡିର କଡା ପ୍ରଶ୍ନର ସମ୍ମୁଖୀନ ହେବାକୁ ପଡିଥିଲା । ସଙ୍କଟ ଦେଇ ଗତି କରୁଥିବା ୟେସ୍ ବ୍ୟାଙ୍କ ଉପରେ ରିଜର୍ଭ ବ୍ୟାଙ୍କ ଅନେକ ପ୍ରତିବନ୍ଧକ ଲଗାଇଛନ୍ତି ।

ରାଣା କପୁରଙ୍କୁ ରବିବାର ଦିନ ପ୍ରାୟ ୧୧ଟା ବେଳେ କୋର୍ଟରେ ହାଜର କରାଯିବ । ଇଡି ଶୁକ୍ରବାର ରାତିରେ ୱର୍ଲି ଅଞ୍ଚଳର ‘ସମୁଦ୍ର ମହଲ’ ପରିସରରେ ରାଣାଙ୍କ ବାସଭବନରେ ରେଡ୍ କରିବା ବ୍ୟତୀତ ଶନିବାର ଦିନ ଦିଲ୍ଲୀ ଏବଂ ମୁମ୍ବାଇରେ ରାଣା କପୁରଙ୍କ ୩ ଝିଅଙ୍କ ଘରେ ମଧ୍ୟ ଚଢାଉ କରିଥିଲା। ୟେସ୍ ବ୍ୟାଙ୍କ ପ୍ରମୋଟର ରାଣା କପୁର ଏବଂ ତାଙ୍କର ଦୁଇ ଝିଅଙ୍କ ଡମି କମ୍ପାନୀ ଅର୍ବାନ ଭେଞ୍ଚର୍ସ ଘୋଟାଲାକାରୀଙ୍କ ଠାରୁ ୬ଶହ କୋଟି ନେଇଛନ୍ତି କି ନାହିଁ ସେନେଇ ଇଡି ଅନୁସନ୍ଧାନ କରୁଛି ।

ଅଧିକାରୀମାନେ କହିଛନ୍ତି ଯେ, ରାଣା କପୁରଙ୍କ ବିରୋଧରେ ଘୋଟାଲା ପ୍ରଭାବିତ ଡିଏଚଏଫଏଲ ସହିତ ଜଡିତ । କାରଣ ବ୍ୟାଙ୍କରୁ କମ୍ପାନୀକୁ ଦିଆଯାଇଥିବା ଋଣକୁ ଅଣ-ପ୍ରଦର୍ଶନକାରୀ ସମ୍ପତ୍ତି (ଏନପିଏ) ଭାବରେ ଘୋଷଣା କରାଯାଇଛି। ଡିଏଚଏଫଏଲ ଦ୍ବାରା ଏକ କମ୍ପାନୀକୁ ୬ଶହ କୋଟି ଟଙ୍କା ଋଣ ଦେବା ମଧ୍ୟ ଇଡି ଅନୁସନ୍ଧାନରେ ରହିଛି |  ରାଣା କପୁରଙ୍କ ବିରୋଧରେ ପିଏମଏଲଏର ବ୍ୟବସ୍ଥା ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। କେତେକ କର୍ପୋରେଟ୍ ସଂସ୍ଥାକୁ ଦିଆଯାଇଥିବା ଋଣ ଏବଂ କପୁରଙ୍କ ପତ୍ନୀଙ୍କ ଆକାଉଣ୍ଟରେ ଲାଞ୍ଚ ହିସାବରେ କିଛି ରାଶି ଜମା ହୋଇଥିବା ନେଇ ରାଣାଙ୍କ ଭୂମିକା ଉପରେ ମଧ୍ୟ କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ଅନୁସନ୍ଧାନ କରୁଛି।

ଅଧିକାରୀ କହିଛନ୍ତି ଯେ ଉତ୍ତରପ୍ରଦେଶ ବିଦ୍ୟୁତ୍ ନିଗମରେ ପିଏଫ୍ ଠକେଇ ସହ ଜଡିତ ଏକ ମାମଲା ସମେତ ଅନ୍ୟାନ୍ୟ ଅନିୟମିତତାର ମଧ୍ୟ ଏଜେନ୍ସି ଅନୁସନ୍ଧାନ କରୁଛି। ନିକଟରେ ଉତ୍ତରପ୍ରଦେଶରେ ୨୨୬୭ କୋଟି ଟଙ୍କା କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସ୍କାମ ଉପରେ ସିବିଆଇ ତଦନ୍ତ ଆରମ୍ଭ କରିଛି । ଯେଉଁଠାରେ ବିଦ୍ୟୁତ୍ କର୍ମଚାରୀଙ୍କ କଷ୍ଟ ଉପାର୍ଜିତ ଆୟ ଦିୱାନ୍ ହାଉସିଂ ଫାଇନାନ୍ସ କର୍ପୋରେସନ୍ (ଡିଏଚ୍ଏଫ୍ଏଲ୍) ରେ ବିନିଯୋଗ ହୋଇଛି । ରିଜର୍ଭ ବ୍ୟାଙ୍କ ୟେସ୍ ବ୍ୟାଙ୍କ ଉପରେ ସମସ୍ତ ପ୍ରତିବନ୍ଧକ ଲଗାଇ ଏପ୍ରିଲ ୩ ପର୍ଯ୍ୟନ୍ତ ବ୍ୟାଙ୍କର ଜମାକାରୀଙ୍କ ପାଇଁ ଟଙ୍କା ଉଠାଣ ସୀମା ୫୦୦୦୦ ଟଙ୍କା ସ୍ଥିର କରିଛି।

   Related Posts