Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ବିଜେପିକୁ ଝଟ୍‌କା, ଷ୍ଟାର ପ୍ରଚାର ଟିମ୍‌ରୁ ପ୍ରବେଶ ବର୍ମା ଓ ଅନୁରାଗ ଠାକୁରଙ୍କୁ ବାଦ୍ ଦେବାକୁ ECଙ୍କ ନିର୍ଦ୍ଦେଶ

29/01/2020 at 2:49 PM

ନୂଆଦିଲ୍ଲୀ ୨୯।୦୧: ଦିଲ୍ଲୀ ନିର୍ବାଚନ ପ୍ରଚାରରୁ ବାଦ୍‌ ପଡିଲେ ବିଜେପିର ଷ୍ଟାର ପ୍ରଚାରକ । ଦିଲ୍ଲୀରେ ପ୍ରବେଶ ବର୍ମା ଓ କେନ୍ଦ୍ରୀୟ ମନ୍ତ୍ରୀ ଅନୁରାଗ ଠାକୁରଙ୍କ ପ୍ରଚାର ଉପରେ ରୋଗ ଲଗାଇଛନ୍ତି ନିର୍ବାଚନ କମିଶନ । ନିର୍ବାଚନ ପ୍ରଚାରରେ ଉତ୍ତେଜକ ଭାଷଣ ଦେବା ମାମଲାରେ ଭାରତୀୟ ଜନତା ପାର୍ଟିର ସାଂସଦ ପ୍ରବେଶ ବର୍ମା ଓ କେନ୍ଦ୍ରୀୟ ମନ୍ତ୍ରୀ ଅନୁରାଗ ଠାକୁରଙ୍କ ଉପରେ କାର୍ଯ୍ୟାନୁଷ୍ଠାନ ନେଇଛନ୍ତି ମୁଖ୍ୟ ନିର୍ବାଚନ କମିଶନର । ବିଜେପିର ଷ୍ଟାର ପ୍ରଚାରକ ତାଲିକାରୁ ଦୁଇଜଣଙ୍କ ନାମ ହଟାଇବାକୁ ନିର୍ଦ୍ଦେଶ ଦେଇଛନ୍ତି ନିର୍ବାଚନ କମିଶନ । ତେବେ ଦୁଇ ଜଣ ନେତା ବର୍ତ୍ତମାନ ଦିଲ୍ଲୀ ନିର୍ବାଚନ ପ୍ରଚାରରେ ସାମିଲ ହେବେ ନାହିଁ । କିନ୍ତୁ ନିର୍ବାଚନ କମିଶନଙ୍କ ନିର୍ଦ୍ଦେଶ ପରେ ମଧ୍ୟ ଏହି ଦୁଇ ନେତା ନିର୍ବାଚନରେ ପ୍ରଚାର କରିପାରିବେ । ଯଦି ସ୍ଥାନୀୟ ପ୍ରତ୍ୟାଷୀମାନେ ନିଜ ଖର୍ଚ୍ଚରୁ ଦୁଇନୋତଙ୍କୁ ପ୍ରଚାର ପାଇ ଆଣି କରିପାରିବେ ।  ତେବେ ତାହା ପ୍ରାର୍ଥୀଙ୍କ ଖର୍ଚ୍ଚ ଯୋଗ କରାଯିବ ବୋଲି ନିର୍ବାଚନ କମିଶନର ନିର୍ଦ୍ଦେଶ ଦେଇଛନ୍ତି ।

ଦିଲ୍ଲୀରେ ନିର୍ବାଚନ ପ୍ରଚାର ସମୟରେ ବିଜେପି ସାଂସଦ ପ୍ରବେଶ ବର୍ମା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ଆତଙ୍କବାଦୀ ଓ ନକ୍ସଲ ସହିତ ତୁଳନା କରିଥିଲେ । ଦିଲ୍ଲୀର ମାଦୀପୁରରେ ଚାଲିଥିବା ଏକ ଜନସଭାରେ କେଜ୍ରିଓ୍ବାଲଙ୍କୁ ନକ୍ସଲ ଓ ଆତଙ୍କବାଦୀଙ୍କ ତୁଳନା କରିଥିଲେ । ତେବେ ପ୍ରବେଶ ବର୍ମାଙ୍କ ବୟାନ ଉପରେ ଦିଲ୍ଲୀ ମୁଖ୍ୟମନ୍ତ୍ରୀ ଟ୍ବିଟ୍ କରି ଦୁଖପ୍ରକାଶ କରିଥିଲେ ।

ସେହିପରି କେନ୍ଦ୍ରୀୟ ମନ୍ତ୍ରୀ ଅନୁରାଗ ଠାକୁର ମଧ୍ୟ ଦିଲ୍ଲୀ ନିର୍ବାଚନ ପ୍ରଚାର ସମୟରେ ବିବାଦୀୟ ବୟାନ ଦେଇଥିଲେ । ଏକ ରାଲିରେ ଅନୁରାଗ କହିଥିଲେ ଯେ, ଦେଶରେ ଥିବା ଗଦ୍ଦାରମାନଙ୍କୁ ଗୁଳି ମାରିଦିଅ । ଏହି ମାମଲାରେ ନିର୍ବାଚନ କମିଶନ ଅନୁରାଗ ଠାକୁରଙ୍କୁ ନୋଟିସ ଜାରି କରିଛନ୍ତି । ତେବେ ବୁଧବାର ଦିନ ନିର୍ବାଚନ କମିଶନ ଉଭୟଙ୍କ ପାର୍ଟିର ଷ୍ଟାର ପ୍ରଚାରକ ତାଲିକାରୁ ହଟାଇବାକୁ ବିଜେପିକୁ ନିର୍ଦ୍ଦେଶ ଦେଇଛନ୍ତି ।

   Related Posts