Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ବୃଦ୍ଧଙ୍କୁ ଅଧିକ ରାଗ ଏବଂ ମସଲାଯୁକ୍ତ ମୋମୋ ଖାଇବା ପଡ଼ିଲା ମହଙ୍ଗା : ଗୁରୁତର ଅବସ୍ଥାରେ ହସ୍ପିଟାଲରେ ହେଲେ ଭର୍ତ୍ତି

4/08/2020 at 10:58 PM

ଭାରତରେ ଅନେକ ଲୋକଙ୍କୁ ଚଟପଟା ଜିନିଷ ଖାଉଥିବା ଦେଖାଯାଇଥାଏ ଏବଂ ତାଙ୍କ ପାଟିରୁ ଏସବୁ ଜିନିଷ ପାଇଁ ଲାଳ ବାହାରି ଆସିଥାଏ। ଚୀନର ଲୋକେ ଚଟପଟା ଜିନିଷଠୁ ଦୂରରେ ରୁହନ୍ତି। କିନ୍ତୁ ଚୀନର ଜଣେ ବ୍ୟକ୍ତି ରାଗ ଏବଂ ମସଲାଯୁକ୍ତ ମୋମୋକୁ ଦେଖି ନିଜକୁ କାବୁ କରିପାରିନଥିଲେ। କିନ୍ତୁ ଏହା ଖାଇବା ତାଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଥିଲା।

ରାଗ ଏବଂ ମସଲାଯୁକ୍ତ ମୋମୋ ଖାଇବା ଯୋଗୁଁ ତାଙ୍କ ପେଟରେ ହଠାତ୍ ବିସ୍ଫୋରଣ ହୋଇଥିଲା ଏବଂ ତାଙ୍କ ଅନ୍ତ ଫାଟି ଯାଇଥିଲା। ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲ ନିଆଯାଇଥିଲା।

ଡାକ୍ତରମାନେ ଖୁବ୍ କଷ୍ଟରେ ବ୍ୟକ୍ତିଙ୍କୁ ବଞ୍ଚାଇଥିଲେ। ଘଟଣାଟି ହେଉଛି ଚୀନର ଜିୟାଙ୍ଗସୁ ଅଞ୍ଚଳର। ଏବେ ଏହି ଘଟଣା ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି।

୬୩ବର୍ଷ ବୟସ୍କ ବାଙ୍ଗ୍ ରାତ୍ରି ଭୋଜନରେ ଅତ୍ୟନ୍ତ ରାଗ ମସଲାଯୁକ୍ତ ମୋମୋ ଖାଇଥିଲେ। ଅଳ୍ପ ସମୟ ପରେ ତାଙ୍କ ପେଟରେ ଭୀଷଣ ଯନ୍ତ୍ରଣା ହୋଇଥିଲା ଏବଂ ପେଟରୁ ସାମାନ୍ୟ ବିସ୍ଫୋରଣ ଭଳି ଶବ୍ଦ ଶୁଣିବାକୁ ମିଳିଥିଲା। ତାଙ୍କ ସ୍ବାସ୍ଥ୍ୟ ଖରାପ ହେବାକୁ ଲାଗିଥିଲା। ତୁରନ୍ତ ତାଙ୍କୁ ହସ୍ପିଟାଲ୍ ନିଆଯାଇଥିଲା। ଡାକ୍ତର ଯାଞ୍ଚ କରିବା ପରେ କହିଥିଲେ ଯେ ରାଗ ମସଲାଯୁକ୍ତ ମୋମୋ ଖାଇବା ଯୋଗୁଁ ତାଙ୍କ ପେଟରେ ଜୋର ଗ୍ୟାସ ହୋଇଯାଇଥିଲା। କିନ୍ତୁ ଅନ୍ତରେ ଖାଦ୍ୟ ଫସିଯିବାରୁ ଏବଂ ପ୍ରେସର ବଢ଼ିବାରୁ ବ୍ଲାଷ୍ଟ ହୋଇଯାଇଥିଲା।

ବାଙ୍ଗଙ୍କର ପୂର୍ବରୁ ପେଟ ଏବଂ ପାଚନ ସମ୍ବନ୍ଧିତ ସମସ୍ୟା ଥିଲା। ଏପରି ପରିସ୍ଥିତିରେ ଡାକ୍ତର ତାଙ୍କୁ ମସଲାଯୁକ୍ତ ଖାଦ୍ୟ ଖାଇବାକୁ ବାରଣ କରିଥିଲେ। କିନ୍ତୁ ସେ ଏହା ଅଣଦେଖା କରି ସେସବୁ ଖାଇଥିଲେ। ଏହା ଦ୍ବାରା ତାଙ୍କ ଜୀବନକୁ ମଧ୍ୟ ବିପଦ ରହିଥିଲା।

   Related Posts