Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

ରେଳ ବଜେଟ୍‌ରେ ଓଡିଶାକୁ ରେକର୍ଡ ଅର୍ଥ ଓ ପ୍ରକଳ୍ପ : ଫୁଲବାଣୀକୁ ଟ୍ରେନ୍‌ ଲାଇନ୍ , ଖୋର୍ଦ୍ଧା-ବଲାଙ୍ଗୀରକୁ ଫୋକସ୍

5/02/2020 at 7:03 PM

ଭୁବନେଶ୍ବର ୦୫।୦୨:  ଫୁଲବାଣୀକୁ ହେବ ରେଳ ସଂଯୋଗ । ବର୍ଷ ବର୍ଷ ଧରି ଥିବା ଦାବିକୁ ପୂରଣ କରିବା ଲାଗି ଚଳିତ ବର୍ଷ ବଜେଟରେ ଘୋଷଣା କରାଯାଇଛି । ସମ୍ବଲପୁରରରୁ ଫୁଲବାଣୀ ଦେଇ ଗୋପାଳପୁରକୁ ହେବ ରେଳ ପଥ । ୨୪୧ କିଲୋମିଟରର ଏହି ରେଳ ପଥ ପାଇଁ କେନ୍ଦ୍ର ସରକାର ୨ ହଜାର ୯୯୭ କୋଟି ଟଙ୍କା ମଞ୍ଜୁର କରିଛନ୍ତି । ଏଥର ରେଳ ବଜେଟରେ ଓଡ଼ିଶାକୁ ମିଳିବ ରେକର୍ଡ ଅର୍ଥର ପ୍ରକଳ୍ପ ।  ଇଷ୍ଟକୋଷ୍ଟ ରେଲୱେକୁ ମିଳିବ ୫ ହଜାର ୮୬୫ କୋଟି । ଇଷ୍ଟକୋଷ୍ଟ ଜୋନ୍ ଭିତରେ ଓଡ଼ିଶାକୁ ମିଳିବ ୪ ହଜାର ୩୭୩ କୋଟି ।

ସମ୍ବଲପୁର ଗୋପାଳପୁର ଭାୟା ଫୁଲବାଣୀ ଲାଇନ୍ ବ୍ୟତୀତ ,ରେଳ ବଜେଟରେ ସବୁଠାରୁ ଅଧିକ ଫୋକସ ଦିଆଯାଇଛି ଖୋର୍ଦ୍ଧା-ବଲାଙ୍ଗୀର ରେଳପଥକୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ପ୍ରକଳ୍ପକୁ ପ୍ରତ୍ୟକ୍ଷ ଅନୁଧ୍ୟାନ କରିବା ପରେ ବଜେଟରେ ମଧ୍ୟ ଏହାର ପ୍ରତିଫଳନ ଦେଖିବାକୁ ମିଳିଛି । ଏହି ପ୍ରୋଜେକ୍ଟ କେମିତି ଶୀଘ୍ର ଶେଷ ହେବ ସେନେଇ ଏଥର ବଜେଟରେ ଖୋର୍ଦ୍ଧାରୋଡ୍-ବଲାଙ୍ଗୀର ଲାଇନ ପାଇଁ ୫୨୦ କୋଟି ଟଙ୍କା ବ୍ୟୟବରାଦ କରାଯାଇଛି । ପୂର୍ବ ବର୍ଷ ୩୫୦ କୋଟି ଟଙ୍କା ବ୍ୟବସ୍ଥା କରାଯାଇଥିଲା ।

ସେହିପରି ଅନୁଗୁଳ-ସୁକିନ୍ଦା ରୋଡ୍ ନୂଆ ଲାଇନ ପାଇଁ ୪୫୦ କୋଟି ।  ହରିଦାସପୁର-ପାରାଦୀପ ଲାଇନ ପାଇଁ ୧୦୦ କୋଟି । ଏହି ବର୍ଷ ମାର୍ଚ୍ଚ ସୁଦ୍ଧା ହରିଦାସପୁର-ପାରାଦୀପ ଲାଇନରେ ରେଳ ଚଳାଚଳ ଆରମ୍ଭ ହେବ । ଗତବର୍ଷ ଏହି ପ୍ରକଳ୍ପ ପାଇଁ ୪ଶହ କୋଟି ଟଙ୍କା ଘୋଷଣା କରାଯାଇ କାମକୁ ତ୍ବରାନ୍ବିତ କରାଯାଇଥିଲା । ତାଳଚେର-ବିମଳାଗଡ଼ ଲାଇନ୍ ପାଇଁ ୧୪୦ କୋଟି ଟଙ୍କା ମଞ୍ଜୁର ହୋଇଛି । ସମ୍ବଲପୁର-ତାଳଚେର ଦୋହରୀକରଣ ପାଇଁ ୨୯୨ କୋଟି , ସମ୍ବଲପୁର-ଟିଟିଲାଗଡ଼ ଦୋହରୀକରଣ ପାଇଁ ୩୮୨ କୋଟି । ଭଦ୍ରକ-ନିର୍ଗୁଣ୍ଡି ଦୋହରୀକରଣ ପାଇଁ ୧୦୨ କୋଟି । ଜଗଦଲପୁର-କୋରାପୁଟ ଦୋହରୀକରଣ ପାଇଁ ୧୩୦ କୋଟି । ଝାରସୁଗୁଡ଼ା-ବିଳାସପୁର ଦୋହରୀକରଣ ପାଇଁ ୨୮୦ କୋଟି ଏବଂ ରାଉରକେଲା-ଝାରସୁଗୁଡ଼ା ଦୋହରୀକରଣ ପାଇଁ ୧୭୦ କୋଟି ବ୍ୟୟବରାଦ ହୋଇଛି ।

   Related Posts