ଭୁବନେଶ୍ବର ୧|୫: ସମ୍ଭାବ୍ୟ ବାତ୍ୟା ‘ଫନି’ ପାଇଁ ୭୪ଟି ଟ୍ରେନ୍ ବାତିଲ ହୋଇଛି । ପୁରୀ-ହାଓ୍ବାଡା ଓ ଭାଇଜାଗ୍-ଭଦ୍ରକ ରୁଟ୍ ରେ ଟ୍ରେନ୍ ବାତିଲ ହୋଇଛି । ଏହି ରୁଟ୍ ରେ ଆସନ୍ତାକାଲି ସନ୍ଧ୍ୟାରୁ ୩ତାରିଖ ପର୍ଯ୍ୟନ୍ତ ଟ୍ରେନ୍ ଚଳାଚଳ ବନ୍ଦ ରହିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ମିଳିଛି । ଆଜି ସନ୍ଧ୍ୟାରେ ଏ ନେଇ ସବିଶେଷ ବିବରଣୀ ପ୍ରଦାନ କରିବ ପୂର୍ବତଟ ରେଳପଥ । ଯାତ୍ରୀମାନଙ୍କୁ ଏଥି ଅନୁସାରେ ଯାତ୍ରା ଯୋଜନା କରିବାକୁ ପରାମର୍ଶ ଦିଆଯାଇଛି ।
ପୂର୍ବରୁ ଏ ନେଇ ମଧ୍ୟ ସୂଚନା ଦିଆଯାଇଥିଲା । ପୁରୀ-ହାଓ୍ବାଡା ଓ ଭାଇଜାଗ୍-ଭଦ୍ରକ ରୁଟ୍ ରେ ୭୪ଟି ଟ୍ରେନ୍ କୁ ବାତିଲ କରିଦିଆଯାଇଛି । ୪ତାରିଖ ଦିନ ପରିସ୍ଥିତି ଦେଖି କେଉଁ ଟ୍ରେନ୍ ଚଳାଚଳ କରିବ କେଉଁ ଟ୍ରେନ୍ ଚଳାଚଳ କରିବନାହିଁ ତାହାର ନିଷ୍ପତ୍ତି ନିଆଯିବ ।
ଆସନ୍ତା ୩ତାରିଖରେ ଫନି ଲ୍ୟାଣ୍ଡଫଲ୍ କରିବାର ସୂଚନା ଥିବାରୁ ୩ତାରିଖ ଆଦୌ ଟ୍ରେନ୍ ଚଳାଚଳ କରିବନାହିଁ । ଆସନ୍ତାକାଲି ଦିନ ବେଳେ ଟ୍ରେନ୍ ଚଳାଚଳ କରିବ ମାତ୍ର ସନ୍ଧ୍ୟାରୁ ଟ୍ରେନ୍ ଚଳାଚଳ ବନ୍ଦ ରହିବ ।