Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ଗୁଜରାଟ କଛରେ ପୁଣି ଭୂମିକମ୍ପ, ରବିବାର ରାତିରୁ ହେଲାଣି ୧୧ଟି କମ୍ପନ

15/06/2020 at 1:21 PM

ଅହମ୍ମଦାବାଦ  ୧୫।୬:  ଗୁଜରାଟ କଛରେ ସୋମବାର ପୁଣି ଥରେ ଭୂମିକମ୍ପ ଅନୁଭୂତ ହୋଇଛି। ମଧ୍ୟାହ୍ନ ପ୍ରାୟ ୧୨ଟା ୫୭ ମିନିଟ୍‌ରେ ହୋଇଥିବା ଏହି କମ୍ପନର ତୀବ୍ରତା ରିକ୍ଟର ସ୍କେଲରେ ୪.୫ ମପାଯାଇଛି। ଭୂମିକମ୍ପର ଉତ୍ପତି ସ୍ଥଳ କଛ ଠାରୁ ପ୍ରାୟ ୧୫ କିଲୋମିଟର ଦୂରରେ ଥିଲା ବୋଲି ଭୂ-ଗର୍ଭିୟ ସର୍ଭେକ୍ଷଣ ସୂଚିତ କରିଛନ୍ତି। ରବିବାର ରାତିରେ କଛରେ ପ୍ରଥମ ଭୂମିକମ୍ପ ଅନୁଭୂତ ହୋଇଥିଲା। ଏହି କମ୍ପନର ତୀବ୍ରତା ୫.୫ ମପା ଯାଇଥିବା ବେଳେ ଏହାର ଉତ୍ପତି ସ୍ଥଳ ଭୂଜର ଭଚାଉରେ ଥିଲା।

ସୋମବାର ଅନୁଭୂତ ହୋଇଥିବା କମ୍ପନର ଉତ୍ପତି ସ୍ଥଳ ମଧ୍ୟ ଭଚାଉ ବୋଲି କୁହାଯାଇଛି। ପ୍ରଥମ କମ୍ପନ ପରେ ପରେ ଏପର୍ଯ୍ୟନ୍ତ ୧୧ଥର କମ୍ପନ ଅନୁଭୂତ ହୋଇଥିବା ଜଣାପଡିଛି। ତେବେ ଏହି ସବୁ କମ୍ପନର ତୀବ୍ରତା କମ୍ ଥିଲେ ବି ଲୋକେ ଆତଙ୍କିତ ହୋଇପଡିଛନ୍ତି। ଭୂମିକମ୍ପ ଯୋଗୁ ଧନ ଓ ଜୀବନ ହାନୀର ସୂଚନା କେଉଁଠାରୁ ମିଳି ନାହିଁ। ତେବେ ଜୁନ ୧୪ରେ କେବଳ ଭାରତର କଛ ନୁହେଁ ବିଶ୍ୱର ପ୍ରାୟ ୫୦ଟି ସ୍ଥାନରେ ଭୂମିକମ୍ପ ଅନୁଭୂତ ହୋଇଥିବା ଜଣାପଡିଛି। ଏହି ସବୁ କମ୍ପନର ତୀବ୍ରତା ୫.୪ରୁ ୨.୫ ପର୍ଯ୍ୟନ୍ତ ଆକଳନ କରାଯାଇଛି। ତେବେ କେଉଁଠାରେ ମଧ୍ୟ ସେଭଳି କିଛି  କ୍ଷୟକ୍ଷତି ହୋଇ ନାହିଁ। ଏହି ସବୁ ଭୂମିକମ୍ପ ଇଣ୍ଡୋନେସିଆ, ହାୱାଇ, ପୂର୍ଟୋରିକୋ, ମ୍ୟାଁମାର, ଜାମାଇକା, ଆଲାସ୍କା, ତୁର୍କି, ଜାପା, ଇରାନ ଓ ଫିଲପାଇନ୍ସରେ ହୋଇଛି।

   Related Posts