Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ତିହାର ପୂର୍ବରୁ ଏହି ଜେଲରେ ୪ ଦୋଷୀଙ୍କୁ ଏକାସଙ୍ଗେ ହୋଇଥିଲା ଫାଶୀ, କରିଥିଲେ ଜଘନ୍ୟ ଅପରାଧ

22/03/2020 at 11:34 AM

ନୂଆଦିଲ୍ଲୀ ୨୨/୦୩ : ୨୦୧୨ ଦିଲ୍ଲୀ ଗଣଦୁଷ୍କର୍ମ ମାମଲା ପୁରା ଦେଶକୁ ଦୋହଲାଇ ରଖି ଦେଇଥିଲା | ସାରା ଦେଶ ଏହି ମାମଲାକୁ ନିର୍ଭୟା ମାମଲା ବୋଲି ଜାଣିଚି | ଜୀବନ ସହ ସଂଘର୍ଷ କରି ପୀଡିତା ଜୀବନ ହାରିଥିଲେ | ଦୋଷୀଙ୍କୁ ଦୀର୍ଘ ୭ ବର୍ଷ ପରେ ଫାଶୀ ଦଣ୍ଡ ଦିଆଯାଇଛି | ଦେଶ ସ୍ୱାଧୀନ ହେବାପରେ ନିର୍ଭୟା ଦୋଷୀଙ୍କୁ ଫାଶୀ ଘଟଣା ଦ୍ୱିତୀୟ ମାମଲା| ସ୍ୱାଧୀନତା ପରେ ଦ୍ୱିତୀୟଥର ପାଇଁ ଏକାସଙ୍ଗେ ୪ ଦୋଷୀଙ୍କୁ ଫାଶୀ ଦିଆଯାଇଛି | ଏହାପୂର୍ବରୁ ୧୯୮୩ ମସିହା ଅକ୍ଟୋବର ୨୫ ତାରିଖରେ ପୁନେ ୟରବଦା କେନ୍ଦ୍ର ଜେଲରେ ୪ଜଣଙ୍କୁ ଫାଶୀ ଦିଆଯାଇଥିଲା | ୧୦ ଜଣଙ୍କ ହତ୍ୟା କରିଥିବା ଯୋଗୁଁ ୪ ଜଣ ଛାତ୍ରଙ୍କୁ ଫାଶୀ ଦିଆଯାଇଥିଲା |

ଏହାପରେ ୨୦୨୦ ମସିହା ମାର୍ଚ୍ଚ ୨୦ ତାରିଖରେ ନିର୍ଭୟା ଦୋଷୀଙ୍କୁ ତିହାଡ଼ ଜେଲରେ ଏକାସଙ୍ଗେ ଫାଶୀ ଦିଆଯାଇଥିଲା | ଦେଶ ସ୍ୱାଧୀନ ହେବାପରେ ଏହା ଦ୍ୱିତୀୟ ମାମଲା | ୧୯୭୦ ମସିହାରେ ୧୦ ଜଣଙ୍କୁ ହତ୍ୟା କରିଥିବା ମାମଲାରେ ରାଜେନ୍ଦ୍ର ଜାକ୍କଲ. ଦିଲୀପ ସୁତାର, ସାନ୍ତରାମ ଜଗପାତ ଓ ମୁନବ୍ବର ଶାହଙ୍କୁ ଏକାସଙ୍ଗେ ଫାଶୀ ଦିଆଯାଇଥିଲା | ଏହି ୪ଜଣ କଲେଜ ଛାତ୍ର ଥିଲେ | ରାଜେନ୍ଦ୍ର, ଦିଲୀପ ଓ ସାନ୍ତରାମ ସହରର କଳା ମହାବିଦ୍ୟାଳୟରେ ପଢୁଥିଲେ | ମୁନବ୍ବର ବାଣିଜ୍ୟ କଲେଜ ଛାତ୍ର ଥିଲା | ୧୦ ଜଣଙ୍କ ହତ୍ୟା ମାମଲାରେ ୪ ଜଣଙ୍କୁ ପୁନେ ୟରବଦା ଜେଲରେ ଫାଶୀ ଦିଆଯାଇଥିଲା |

ଏମାନେ ଯୋଶୀ ପରିବାରର ୩ ସଦସ୍ୟଙ୍କୁ ତାଙ୍କ ବିଜୟନଗର ସ୍ଥିତ କଲୋନୀ ଘରେ ହତ୍ୟା କରିଥିଲେ | ଅଭୟଙ୍କର ପରିବାରର ୫ଜଣଙ୍କୁ ଭଣ୍ଡାରକର ରୋଡ଼ରେ ସ୍ଥିତ ତାଙ୍କ ବଙ୍ଗଳାରେ ହତ୍ୟା କରିଥିଲେ | ଅଲଗା ଅଲଗା ମାମଲାରେ ଆଉ ଦୁଇଜଣ ଯୁବକଙ୍କୁ ହତ୍ୟା କରିଥିଲେ | ପ୍ରଥମ ହତ୍ୟା ୧୯୭୬ ମସିହା ଜାନୁଆରୀ ୧୬ ତାରିଖରେ ଘଟିଥିଲା | ୧୯୭୬ ମସିହା ଅକ୍ଟୋବର ୩୧ ତାରିଖରୁ ୧୯୭୭ ମସିହା ମାର୍ଚ୍ଚ ୨୩ ତାରିଖ ଭିତରେ ୯ଜଣଙ୍କୁ ହତ୍ୟା କରିଥିଲେ |

ଏହି ହତ୍ୟା ଘଟଣା ଯୋଶୀ-ଅଭୟଙ୍କର ସିରିଏଲ ମର୍ଡର କେଶ ଭାବେ ପରିଚିତ | ହତ୍ୟା ଘଟଣା ପରେ ପୁନେରେ ଭୟଙ୍କର ପରିସ୍ଥିତି ସୃଷ୍ଟି ହୋଇଥିଲା | ସନ୍ଧ୍ୟା ୬ଟା ପରେ ଲୋକେ ଘରୁ ବାହାରୁନଥିଲେ | ସନ୍ଧ୍ୟା ସମୟରେ ପୋଲିସ ପାଟ୍ରୋଲିଂ କରୁଥିଲା | 

   Related Posts