Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଜବାହାରଲାଲ ନେହେରୁ ବିଶ୍ବବିଦ୍ୟାଳୟ ଛାତ୍ରୀଙ୍କୁ ନିଶା ଦେଇ କ୍ୟାବ ଡ୍ରାଇଭର ଦୁଷ୍କର୍ମ ଘଟଣାରେ ହସ୍ତକ୍ଷେପ କଲେ ଦିଲ୍ଲୀ ମହିଳା କମିଶନ

6/08/2019 at 9:02 PM

ନୂଆଦିଲ୍ଲୀ୬|୮: ଦିଲ୍ଲୀ ଜବାହାର ଲାଲ ନେହେରୁ ବିଶ୍ବବିଦ୍ୟାଳୟର ଛାତ୍ରୀଙ୍କୁ ନିଶାଦେଇ କ୍ୟାବ ଡ୍ରାିଭର ଦୁଷ୍କର୍ମ କରିବା ଘଟଣାରେ ଦିଲ୍ଲୀ ମହିଳା କମିଶନ ଦିଲ୍ଲୀ ପୋଲିସକୁ ନୋଟିସ ଜାରୀ କରିଛନ୍ତି । ବିଭିନ୍ନ ଗଣମାଧ୍ୟମରେ ଏ ସଂକ୍ରାନ୍ତରେ ପ୍ରକାଶିତ ରିପୋର୍ଟ ଆଧାରରେ କମିଶନ ଏହି ପଦକ୍ଷେପ ନେଇଛନ୍ତି । ଅଗଷ୍ଟ ୯ତାରିଖ ସୁଦ୍ଧା ଜବାବ ରଖିବା ପାଇଁ ଦିଲ୍ଲୀ ପୋଲିସକୁ କମିଶନ କହିଛନ୍ତି ।

ମାମଲା ସଂପର୍କିତ ସବିଶେଷ ରିପୋର୍ଟ, ଗିରଫ ସମ୍ପର୍କିତ ସୂଚନା ଓ ଏଫଆଇଆରର ନକଲ କମିଶନ ପୋଲିସକୁ ମାଗିଛନ୍ତି ।ଏଥି ସହିତ ପିସିଆର କଲ ଏବଂ ପୋଲିସ ଘଟଣାସ୍ଥଳରେ ପହଂଚିବା ସମୟ ସମ୍ପର୍କରେ ମଧ୍ୟ କମିଶନ ତଥ୍ୟ ମାଗିଛନ୍ତି । ଦୁଷ୍କର୍ମ ଅଭିଯୁକ୍ତ ଡ୍ରାଇଭରର ରୁଟ ମେପ, ସେହି ରାସ୍ତାରେ ପୋଲିସର ପିକେଟିଂ, ଯାଂଚ, ପିସିଆର ଷ୍ଟେଶନ ସମ୍ପର୍କରେ ସବିଶେଷ ତଥ୍ୟ ଦାଖଲ ପାଇଁ ପୋଲିସକୁ କୁହାଯାଇଛି ।

ସୂଚନାଯୋଗ୍ୟ ଯେ, ଜେଏନୟୁର ଜଣେ ଛାତ୍ରୀଙ୍କୁ ନିଶା ଦେଇ ଜଣେ କେବ ଡ୍ରାଇଭର ଦୁଷ୍କର୍ମ କରିଥିବା ଘଟଣା ୩ ଦିନ ତଳେ ଜଣାପଡିଥିଲା । ପିଡୀତା ଛାତ୍ରୀଙ୍କ ଅଭିଯୋଗ ଆଧାରରେ ଦିଲ୍ଲୀ ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି । ଛାତ୍ରୀଙ୍କ ସୂଚନା ଅନୁସାରେ ସେ ଜବାହାରଲାଲ ବିଶ୍ବବିଦ୍ୟାଳୟ କ୍ୟମ୍ପସକୁ ଯିବା ପାଇଁ ଏକ କ୍ୟାବ ବୁକ୍‌ କରିଥିଲେ । ତେବେ ରାସ୍ତାରେ ସଂପୃକ୍ତ କ୍ୟାବର ଡ୍ରାଇଭର ନିଶା ପଦାର୍ଥ ଦେଇ ତାଙ୍କୁ ଅଚେତ କରିବା ପରେ ଦୁଷ୍କର୍ମ କରିଥିଲା ।

ଗତ ଶୁକ୍ରବାର ଦିନ ଏହି ଘଟଣା ଘଟିଛି । ଦୁଷ୍କର୍ମ କରିବା ପରେ କ୍ୟାବ ଡ୍ରାଇଭର ଅଚେତ ଅବସ୍ଥାରେ ଛାତ୍ରୀଙ୍କୁ ଆଇଆଇଟି ନିକଟସ୍ଥ ଏକ ପାର୍କରେ ଫିଙ୍ଗି ଚାଲିଯାଇଥିଲା । ଶନିବାର ଦିନ ସକାଳେ ଲୋକମାନେ ପିଡୀତା ଛାତ୍ରୀଙ୍କୁ ପାର୍କ ଭିତରେ ଅଚେତ ଅବସ୍ଥାରେ ପଡିଥିବା ଦେଖି ତାଙ୍କୁ ଟ୍ରମା କେୟାର ସେଣ୍ଟରରେ ଭର୍ତ୍ତି କରିଥିଲେ ଓ ପୋଲିସକୁ ଖବର ଦେଇଥିଲେ । ପିଡୀତାଙ୍କ ଆଇ କାର୍ଡରୁ ତାଙ୍କ ପରିଚୟ ଜଣାପଡିଥିଲା ।

   Related Posts