Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||

ଦୋହା ବିଶ୍ବ ଆଥ୍‌ଲେଟିକ୍ ଚାମ୍ପିୟନସିପ୍‌ରେ ଚମକିବେ ଓଡିଆ ଝିଅ ଦୂତି…

13/09/2019 at 5:33 PM

ଭୁବନେଶ୍ବର ୧୩|୯: ଓଡ଼ିଆ ଝିଅ ଦୂତିଚାନ୍ଦଙ୍କ ଆଉ ଏକ ସଫଳତା । ଦୋହାରେ ହେବାକୁ ଥିବା ବିଶ୍ବ ଆଥ୍‌ଲେଟିକ ଚାମ୍ପିୟନସିପ୍‌ରେ ଚମକିବେ ଦୂତି । ବିଶ୍ବ ଆଥଲେଟିକ ଦ୍ବାରା ମନୋନୀତ ହୋଇଥିବା ବଛା ବଛା ୫୦ ଜଣଙ୍କ ମଧ୍ୟରେ ୩୩ତମ ସ୍ଥାନରେ ରହିଛନ୍ତି ।ଏହା ସହିତ ଦୋହା ଚମ୍ପିୟନସିପ୍‌ ପାଇଁ ସିଧାସଳଖ ଏଣ୍ଟ୍ରି ମାରିଛନ୍ତି ।

ପୁଣି ଥରେ ଇଣ୍ଟରନ୍ୟାସନାଲ ଟ୍ରାକରେ ଚମକିବେ ଦୂତି ଚାନ୍ଦ ।ସେପ୍ଟେମ୍ବର ୨୭ରୁ ଅକ୍ଟୋବର ୬ ପର୍ଯ୍ୟନ୍ତ କାତାରର ଦୋହାରେ ଅନୁଷ୍ଠିତ ହେବ ୱାଲର୍ଡ ଆଥଲେଟ ଚମ୍ପିୟନସିପ୍‌।ଟିମ୍‌ ଇଣ୍ଡିଆର ୨୫ ଜଣିଆ ତାଲିକାରେ ସ୍ଥାନ ପକ୍କା କରିଛନ୍ତି ଦୂତି ।ଏହି କ୍ରୀଡ଼ା ମହାକୁମ୍ଭରେ ସେ ୧୦୦ ମିଟର ଇଭେଣ୍ଟରେ ଭାଗ ନେବେ ।ତେବେ ଟାଇମିଙ୍ଗ୍‌ ଓ ବଡ଼ ଇଭେଣ୍ଟକୁ ନେଇ ସେ ପ୍ରେସରରେ ଥିଲେ ମଧ୍ୟ କଠିନ ପରିଶ୍ରମ କରି ରାଜ୍ୟ ତଥା ଦେଶ ପାଇଁ ଆଉ ଏକ ସଫଳତା ଆଣିବେ ବୋଲି ଆଶା ରଖିଛନ୍ତି।

ରିଓ ଅଲିମ୍ପିକରେ ୧୦୦ ମିଟରକୁ ୧୧.୨୪ ସେକେଣ୍ଡରେ ଅତିକ୍ରମ କରି ଅଲିମ୍ପିକ ପାଇଁ ଟିକେଟ ହାତେଇଛନ୍ତି ଦୂତି । କିନ୍ତୁ ଆସନ୍ତା ବର୍ଷ ଟୋକିଓରେ ହେବାକୁ ଥିବା ଅଲିମ୍ପିକରେ ତାଙ୍କ ଇଭେଣ୍ଟର ଟାଇମିଙ୍ଗରେ ପରିବର୍ତ୍ତନ କରାଯାଇ ୧୧.୧୫ ସେକେଣ୍ଡ ରଖାଯାଇଛି ।ତେଣୁ ଟାଇମିଙ୍ଗ ଦୂତିଙ୍କ ଚିନ୍ତା ବଢ଼ାଇଛି । ତେବେ ଟୋକିଓ ଅଲିମ୍ପିକକୁ ଆଉ ୧୧ ମାସ ସମୟ ରହିଛି । ଏହି ସମୟ ମଧ୍ୟରେ କୋଚ ରମେଶଙ୍କ ସହ ମିଶି ରଣନୀତି ପ୍ରସ୍ତୁତ କରିବାକୁ ନିଷ୍ପତି ନେଇଛନ୍ତି ।ଏପରିକି ବିଦେଶୀ କୋଚଙ୍କ ଠାରୁ ସ୍ବତନ୍ତ୍ର ପ୍ରଶିକ୍ଷଣ ନେବାକୁ ମଧ୍ୟ ଚିନ୍ତା କରୁଥିବା ସେ କହିଛନ୍ତି ।

୨୦୧୮-୧୯ ସିଜିନ୍‌ରେ ବେଶ ଭଲ ପରଫରମାନ୍ସ ଦେଖାଇଛନ୍ତି ଦୂତି । ବିଶ୍ବ ର୍ୟାକିଙ୍ଗ୍‌ରେ ୩୩ ତମ ସ୍ଥାନରେ ଥିବାରୁ ମନୋବଳ ମଧ୍ୟ ଦୃଢ଼ ରହିଛି । ତେଣୁ ଦୋହା ବିଶ୍ବ ଆଥଲେଟ ଚମ୍ପିୟନସିପ୍‌ ପରେ ଦୂତିଙ୍କ ଟାର୍ଗେଟ ଟୋକିଓ ଅଲିମ୍ପିକ  ।

   Related Posts