Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

ଦୂତୀଚାନ୍ଦଙ୍କ ସମଲିଂଗି ପ୍ରସଂଗ : ଭୀଷଣ ଚକ୍ରାନ୍ତର ଶିକାର ହୋଇଛନ୍ତି ଦୂତୀ ବୋଲି କହିଲେ ପରିବାର, ଦ୍ବୀତୀଙ୍କ ଧନ ଓ ଜୀବନର ସୁରକ୍ଷା ପାଇଁ ରାଜ୍ୟ ସରକାରଙ୍କ ପାଖରେ କଲେ ଅପିଲ

20/05/2019 at 1:03 PM

ଯାଜପୁର୨୦|୫: ଆନ୍ତର୍ଜାତିକ କ୍ଷାତି ସମ୍ପନ୍ନ ଧାବିକା ଦୂତୀ ଚାନ୍ଦ ସମଲିଂଗି ସମ୍ପର୍କରେ ରହିଥିବା ଅଭିଯୋଗ ଆଣିବାପରେ ଆରମ୍ଭ ହୋଇଛି ବିବାଦ । ଦୂତୀ ଭୀଷଣ ଚକ୍ରାନ୍ତର ଶିକାର ହୋଇଛନ୍ତି । ତେଣୁ ତାଙ୍କ ଧନ ଓ ଜୀବନକୁ ସୁରକ୍ଷିତ ରଖିବାକୁ ସରକାର ଦାୟିତ୍ବ ନିଅନ୍ତୁ ବୋଲି ଦୂତୀଙ୍କ ପରିବାର ପକ୍ଷରୁ ଅପିଲ କରାଯାଇଛି ।

ଦୂତୀଙ୍କ ମା ଗଣ ମାଧ୍ୟମକୁ କହିଛନ୍ତି ଯ, ଦୂତୀଙ୍କ ସମ୍ପତ୍ତି ହଡପ ପାଇଁ ଏଭଳି ପ୍ରେମ ଜାଲ ବିଛାଯାଇଛି । ଦୂତୀଙ୍କୁ ସ୍ପନସର କରୁଥିବା ସଂସ୍ଥାର ଏଥିରେ ହାତ ଥିବା ମଧ୍ୟ ସେ ଅଭିଯୋଗ କରିଛନ୍ତି । ଏହି ପ୍ରେମ କାରଣରୁ ଦୂତୀ ନିଜ ମା ଓ ବାପାଙ୍କୁ ଖରାପ ବ୍ୟବହାର କରିଥିବା ଦୂତୀଙ୍କ ମା ଓ ଭଉଣୀ ପ୍ରକାଶ କରିଛନ୍ତି ।

ଛାତିରେ କୋହ ଚାପି ଦୂତୀଙ୍କ ମା କହିଛନ୍ତି ଯେ, ଦୂତୀ ନିଜ ବାନ୍ଧବୀଙ୍କ ସହ ଗତ ବର୍ଷେ ହେଲା ବୁଲାବୁଲି କରୁଛନ୍ତି ।

ଦୁହିଁଙ୍କ ମଧ୍ୟରେ ଥିବା ସମ୍ପର୍କକୁ ପରିବାର ପକ୍ଷରୁ ବିରୋଧ କରାଯିବା ଫଳରେ ବାପା ଓ ମାଙ୍କ ନାଁ ଧରି ତାଙ୍କୁ ଦାଣ୍ଡର ଭିକାରୀ କରିଦେବି ବୋଲି ଦୂତୀ ଧମକ ଦେବା ସହ ‘ ତୁ କିଏ ମୁଁ ଚିହ୍ନି ନାହିଁ ବୋଲି’ ନିଜ ମାଁଙ୍କୁ ଦୂତୀ କହିଥିବା ଖୋଦ ଦୂତୀଙ୍କ ମାଁ ପ୍ରକାଶ କରିଛନ୍ତି । ସେ କହିଛନ୍ତି ଯେ, କାହାର ନା କାହାର ପ୍ରରୋଚନାରେ ପଡି ଦୂତୀ ଏଭଳି କରୁଛନ୍ତି । ତାଙ୍କ ଧନ ଜୀବନ ସୁରକ୍ଷିତ ନାହିଁ । ତେଣୁ ସରକାରଙ୍କ କର୍ତ୍ତବ୍ୟ ତାଙ୍କୁ ସୁରକ୍ଷା ଦେବା ବୋଲି ସେ କହିଛନ୍ତି ।

ସେହିଭଳି ଦୂତୀଙ୍କ ଭଉଣୀ ସରସ୍ବତୀ ଚାନ୍ଦ ମଧ୍ୟ ସମାନ ଆଶଂକା ବ୍ୟକ୍ତ କରିଛନ୍ତି । ସେ କହିଛନ୍ତି ଯେ, ଦୂତୀ ଜଣେ ଉଚ୍ଚକୋଟିର ଖେଳାଳୀ । ସେ ଖେଳରେ ଫୋକସ କରିବା କଥା । ଭଲ ଖେଳିଲେ ରାଜ୍ୟ ଓ ଦେଶର ଟେକ ରହିବ ।

କିନ୍ତୁ ତାହା ନକରି ଦୂତୀ ଏବେ ଯାହା କରୁଛନ୍ତି ତାହା କାହା ପାଇଁ ବି ଭଲ ହେବ ନାହିଁ । ଅଲମ୍ପିକରେ ସଫଲତାର ଆଶା ମଉଳିଯିବ । ତେଣୁ ଏଥିରେ ରାଜ୍ୟ ସରକାର ତୁରନ୍ତ ହସ୍ତକ୍ଷେପ କରିବାକୁ ସେ ନିବେଦନ କରିଛନ୍ତି ।

   Related Posts