ଦୋହା ୨୯/୯: ବିଶ୍ବ ଦୌଡକୁଦ ପ୍ରତିଯୋଗିତାରେ ଫ୍ୟାନଙ୍କୁ ନିରାଶ କରିଛନ୍ତି ଦୂତି । କାତାର ରାଜଧାନୀ ଦୋହାରେ ଚାଲିଥିବା ବିଶ୍ବ ଦୌଡକୁଦ ପ୍ରତିଯୋଗିତାରେ ଦୂତି ଚାନ୍ଦ ଆଶାଜନକ ସଫଳତା ପାଇନାହାନ୍ତି । ଅନ୍ତର୍ଜାତୀୟ ଦୌଡ଼କୁଦ ମହାସଂଘ ଏ.ଆଇ.ଏଫ.ଏଫ୍ ପ୍ରତିଯୋଗିତାରେ ଅଂଶଗ୍ରହଣ କରିବାର ସୁଯୋଗ ପାଇଥିବା ଦୂତି ମହିଳା ୧୦୦ ମିଟରର ହିଟ୍-୩ରେ ଦୌଡି ୮ ଜଣ ଧାବିକାଙ୍କ ମଧ୍ୟରୁ ସପ୍ତମ ସ୍ଥାନରେ ରହିଛନ୍ତି ।
ଫଳରେ ସେମିଫାଇନାଲ୍ ଖେଳିବାରୁ ବଞ୍ଚିତ ହୋଇଛନ୍ତି । ଦୂତିଙ୍କ ଟାଇମିଂ ୧୧.୪୮ ସେକେଣ୍ଡ ଥିଲା । ଯାହା ତାଙ୍କ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନଠାରୁ ଢେର ଖରାପ । ବିଶ୍ବ ଦୌଡକୂଦରେ ଭାରତ ହାତଗଣତି ପଦକ ଜିତି ଥିବାରୁ ଚର୍ଚିତ ତାରକା ଦୂତିଙ୍କ ଉପରେ ଶନିବାର ସବୁ ଭାରତୀୟଙ୍କ ନଜର ଥିଲା । ସେ କିନ୍ତୁ ୪୭ ପ୍ରତିଯୋଗୀଙ୍କ ମଧ୍ୟରୁ ନୈରାଶ୍ୟ ଜନକ ଭାବେ ୩୭ତମ ସ୍ଥାନରେ ରହିଥିଲେ ।
ଚଳିତ ବର୍ଷ ଏପ୍ରିଲ ମାସରେ ଆୟୋଜିତ ଏସୀୟ ଦୌଡ଼କୁଦରେ ଦୂତି ୧୧.୨୬ ସେକେଣ୍ଡ ସମୟ ନେଇଥିଲେ । ଯାହା ଆଜି ପର୍ଯ୍ୟନ୍ତ ତାଙ୍କ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ ରହିଛି । ତେବେ ମିକ୍ସଡ୍ ଟିମ୍ ରିଲେ ଦଳ ଇତିହାସ ରଚିଛନ୍ତି । ଭରତୀୟ ମହିଳା ରିଲେ ଟିମ୍ କୁ ଅଲିମ୍ପିକ୍ସରେ ସ୍ଥାନ ମିଳିଛି । ପ୍ରଥମ ପ୍ରୟାସରେ ହିଁ ଭାରତୀୟ ମହିଳା ରିଲେ ଟିମ୍ ଅଲମ୍ପିକ ପାଇଁ ଯୋଗ୍ୟତା ହାସଲ କରିଛି।