ରାଉରକେଲା ୧୧। ୧୧: ଅନ୍ଧାରିଆ ରାସ୍ତାରେ ପୁଣି ଜଣେ ମହିଳା ଦୁଷ୍କର୍ମ କରିଥିବାର ଅଭିଯୋଗ । ରାଉରକେଲା ପ୍ଲାଣ୍ଟ ସାଇଟ ଥାନାର ଅଞ୍ଚଳରେ ଘଟିଛି ଘଟଣା । ଦୁଷ୍କର୍ମ ମାମଲାରେ ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ଜଣଙ୍କ ଏକ ଅଟୋ ଡ୍ରାଇଭର ବୋଲି ସୂଚନା ମିଳିଛି । ପୋଲିସ ଘଟଣା ତଦନ୍ତ ଜାରି ରଖିଛି ।
ଖବର ଅନୁଯାୟୀ, ପୀଡ଼ିତା ଜଣକ ଗୋପବନ୍ଧୁପାଲୀ ସ୍ଥିତ ସମ୍ପର୍କୀୟଙ୍କ ଘରକୁ ବୁଲି ଆସିଥିଲେ। ସମ୍ପର୍କୀୟଙ୍କ ଘରେ ବୁଲାବୁଲି କରି ନିଜ ଘରକୁ ଫେରୁଥିବା ବେଳେ ଜଣେ ଅଟୋ ଚାଳକ ଦୁଷ୍କର୍ମ କରିଥିବାର ଅଭିଯୋଗ ଆସିଛି । ସମ୍ପର୍କୀୟଙ୍କ ଘରୁ ନିଜ ଘର ବନ୍ଧମୁଣ୍ଡା ଅଞ୍ଚଳକୁ ଯିବା ବେଳେ ଗୋପବନ୍ଧୁପାଲୀ ସ୍ଥିତ ଏକ ଅନ୍ଧାରିଆ ସ୍ଥାନରେ ଅଭିଯୁକ୍ତ ରିକି ପୀଡ଼ିତାଙ୍କୁ ଟଣାଓଟରା କରିଥିଲେ । ସେହି ସ୍ଥାନରେ ମହିଳାଙ୍କୁ ବଳପୂର୍ବକ ଦୁଷ୍କର୍ମ କରିଥିଲେ । ଘଟଣାକୁ ନେଇ ପୀଡ଼ିତା ଜଣକ ପ୍ଲାଣ୍ଟସାଇଟ୍ ଥାନାରେ ଲିଖିତ ଅଭିଯୋଗ କରିଥିଲା । ପୁଲିସ୍ ଘଟଣାକୁ ଗୁରୁତ୍ୱର ସହ ନେଇ ଏକ ମାମଲା ରୁଜୁ କରି ଜଣେ ଅଟୋ ଚାଳକକୁ ଗିରଫ କରିଛି।