ଟାଙ୍ଗୀ୨୧/୯: ୫ ବର୍ଷର ଶିଶୁ କନ୍ୟାଙ୍କୁ ଦୁଷ୍କର୍ମ ଅଭିଯୋଗ। ମିଳିଥିବା ସୂଚନା ଅନୁସାରେ ଜଣେ ୧୬ ବର୍ଷର ନାବାଳକ ତାଙ୍କୁ ବିଭିନ୍ନ ପ୍ରଲୋଭନ ଦେଖାଇ ଦୁଷ୍କର୍ମ କରିଛି। ଆଜି ଟାଂଗୀ ଥାନାରେ ଅଭିଯୋଗ ହୋଇଛି । ଟାଂଗୀ ପୋଲିସ ଅଭିଯୁକ୍ତ ନାବାଳକକୁ ଅଟକ ରଖି ପଚରାଉଚରା କରୁଛି । ଏ ନେଇ ଟାଂଗୀ ଥାନାରେ ଏକ ମାମଲା ରୁଜୁ ହୋଇଛି ।
ଖୋର୍ଦ୍ଧା ଜିଲ୍ଲା ଟାଂଗୀ ଥାନା ଉଦୟଗିରି ଗ୍ରାମର ଏକ ନାବାଳକ ସେହି ଗ୍ରାମର ଏକ ୫ ବର୍ଷର ଶିଶୁ କନ୍ୟାକୁ ଗତକାଲି ସଂଧ୍ୟାରେ ଦୁଷ୍କର୍ମ କରିଥିବା ନେଇ ପୀଡିତାଙ୍କ ମା' ଅଭିଯୋଗ କରିଛନ୍ତି । ଗତକାଲି ସନ୍ଧ୍ୟାରେ ଏହି ଘଟଣା ଘଟିଲା , ରକ୍ତ ଜୁଡୁବୁଡୁ ଅବସ୍ଥାରେ ପରିବାର ଲୋକ ଶିଶୁ ଟିକୁ ପ୍ରଥମେ ଟାଂଗୀ ଓ ପରେ ଖୋର୍ଦ୍ଧା ମେଡିକାଲରେ ଚିକିତ୍ସା କରିବା ପରେ ଆଜି ଟାଂଗୀ ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ୍ ତନାଘନା ଆରମ୍ଭ କରିଛି।
