ଲକ୍ଷ୍ନୌ,୦୬/୦୧: ନିର୍ଭୟା ଗଣଦୁଷ୍କର୍ମ ଘଟଣାର ପୁନରାବୃତ୍ତି । ପୁଣି ଜଣେ ମହିଳାଙ୍କୁ କରଗଲା ନୃଂଶସ ଭାବେ ଗଣଦୁଷ୍କର୍ମ ଓ ହତ୍ୟା । ଏପରିକି ଦୁଷ୍କର୍ମକାରୀମାନେ ମହିଳାଙ୍କ ପ୍ରାଇଭେଟ୍ ପାର୍ଟରେ ଲୁହାରଡ୍ ପୁରାଇ ଦେଲେ । ଏପରି ବର୍ବୋରଚିତ କାଣ୍ଡ ଘଟିଛି ଉତ୍ତରପ୍ରଦେଶର ବଡାଓଁରେ । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ସୂଚନାନୁସାରେ, ରବିବାର ରାତିରେ ମେଓ୍ୱାଲି ଗ୍ରାମରେ ଜଣେ ମଧ୍ୟ ବୟସ୍କା ମହିଳାଙ୍କ ସହ ଏପରି ଜଘନ୍ୟ କାଣ୍ଡ ଘଟିଛି । ସେ ଏକ ମନ୍ଦିରକୁ ବୁଲି ଯାଇଥିଲେ । ଘରକୁ ଫେରିବା ସମୟରେ ୩ ଜଣ ଯୁବକ ମହିଳାଙ୍କୁ ଗଣଦୁଷ୍କର୍ମ କରିଥିଲେ । ଏପରିକି ତାଙ୍କ ପ୍ରାଇଭେଟ୍ ପାର୍ଟରେ ଲୁହ ରଡ୍ ପୁରାଇ ଦେଇଥିଲେ । ଫଳରେ ମହିଳାଙ୍କ ମୃତ୍ୟୁ ଘଟିଥିଲା ।ଆହୁରି ମଧ୍ୟ ହତ୍ୟା କରିବା ପରେ ମହିଳାଙ୍କ ମୃତଦେହକୁ ଘର ଆଗରେ ଫିଙ୍ଗି ଦେଇଥିଲେ ।
ପୋଷ୍ଟ ମଟର୍ମ ରିପୋର୍ଟ ଅନୁସାରେ, ମହିଳାଙ୍କ ଗୋଡ ଭାଙ୍ଗିଯାଇଛି । ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟି ହୋଇଛି । ଏପରିକି ତାଙ୍କର ଫୁସଫୁସରେ ମଧ୍ୟ ଆଘାତ ଲାଗିଛି । ପ୍ରାଇଭେଟ୍ ପାର୍ଟରେ ଲୁହା ରଡ୍ ପାଇଁ କ୍ଷତ ସୃଷ୍ଟି ହେବା କାରଣରୁ ପ୍ରବଳ ରକ୍ତସ୍ରାବ ମଧ୍ୟ ହୋଇଥିଲା ।
ସୂଚନା ପାଇଁ ବଡାଓଁ ଅତିରିକ୍ତ ଏସପି ଘଟଣାସ୍ଥଳରେ ପହଁଚି ତଦନ୍ତ ପାଇଁ ୪ ଜଣିଆ ଟିମ୍ ଗଠନ କରିଥିଲେ । ଘଟଣାରେ ସଂପୃକ୍ତ ଥିବା ୩ ଜଣଙ୍କ ବିରୋଧରେ ହତ୍ୟା ଓ ଦୁଷ୍କର୍ମ ମାମଲା ରୁଜୁ ହୋଇଛି । ଗିରଫଙ୍କ ମଧ୍ୟରେ ଜଣେ ମହନ୍ତ ବାବା ସତ୍ୟନାରାୟଣ ଓ ତାଙ୍କ ସହଯୋଗୀ ବେଳେ ଆଉ ଜଣେ ଡ୍ରାଇଭର ରହିଛନ୍ତି ।
