ସାଲେପୁର ୧୮।୦୯: କଟକ ଜିଲ୍ଲା ଟାଙ୍ଗୀ ଥାନା କଏରାପାରୀ ଛକରେ ଦୁର୍ଘଟଣା ଘଟିଛି । ବାଇକ ଓ ଟ୍ରକ ମଧ୍ୟରେ ଧକ୍କା । ଟ୍ରକ ଧକ୍କାରେ ପୁଅର ମୃତ୍ୟୁ ହୋଇଥିବା ବେଳେ ବାପା ଗୁରୁତର ଥିବା ଜଣାପଡିଛି । ବାପାଙ୍କୁ ଗୁରୁତର ଅୂସ୍ଥାରେ ମେଡିକାଲରେ ଭର୍ତ୍ତି କରାଯାଇଛି ।
{"id":331181,"sizeSlug":"large"}
ସୂଚନା ମୁତାବକ, ଆଜି ସକାଳ ସମୟରେ ଶାଳଗାଁ ପଞ୍ଚାୟତ ଖାଇ ପଡିଆ ଗାଁର ବଟକୃଷ୍ଣ ମହାରଣା ଓ ତାଙ୍କ ପୁଅ ପବନି ମହାରଣା ଏକ ବାଇକରେ ଛତିଆ ଅଭିମୁଖେ ଯାଉଥିଲେ । ଠିକ୍ ଏହି ସମୟରେ କଏରାପାରୀ ଛକ ନିକଟରେ ପଛପଟରୁ ଏକ ଦଶଚକିଆ ଟ୍ରକ ଦେଇଥିଲା । ଯାହାଫଳରେ କି ବାପା ଓ ପୁଅ ପଡିଯାଇଥିଲା । ତେବେ ଦୁର୍ଘଟଣା ଘଟାଇ ଟ୍ରକଟି ଘଟଣାସ୍ଥଳରୁ ଫେରାର ହୋଇଯାଇଥିଲା ।
ସେପଟେ ଘଟଣାସ୍ଥଳରେ ପୁଅର ମୃତ୍ୟୁ ହୋଇଥିବା ବେଳେ ବାପା ଗୁରୁତର ହୋଇପଡିଛନ୍ତି । ଘଟଣାସ୍ଥଳରେ ସ୍ଥାନୀୟଲୋକ ପହଞ୍ଚି ବାପା ଓ ପୁଅ ଙ୍କୁ ଆମ୍ବୁଲାନ୍ସ ଯୋଗେ କଟକ ବଡ ମେଡିକାଲକୁ ପଠାଇଥିବା ଜଣାପଡିଛି। ସେହିପରି ଦୁର୍ଘଟଣାର ଖବର ପାଇ ଟାଙ୍ଗୀ ପୋଲିସ ଘଟଣାସ୍ଥଳରେ ପହଞ୍ଚି ବାଇକଟିକୁ ଜବତ କରିବା ସହ ତଦନ୍ତ ଜାରି ରଖିଛି ।
