ବରଗଡ, ୧୪/୧୧ ମର୍ମନ୍ତୁଦ ସଡକ ଦୁର୍ଘଟଣା । ୨ ମୃତ । ବରଗଡ଼ ଜିଲ୍ଲା ଭଟଲି ଥାନା ଅନ୍ତର୍ଗତ ସୁକୁଡ଼ା ଗ୍ରାମରେ ରବିବାର ଘଟିଛି ଏହି ଅଘଟଣ ।
ସୂଚନା ଅନୁସାରେ, ବରଗଡ଼ ଗଣପତି ହୋଟେଲ ନିକଟବର୍ତ୍ତୀ ନୂଆଖୁଳିରେ ରହୁଥିବା ଆୟୁଷ ଅଗ୍ରୱାଲ ଓ ନୂଆପଡାର ପ୍ରିୟାଂଶୁ ପଣ୍ଡା ଉଭୟ ଏକ ବାଇକ ଯାଗେ କେଦାରନାଥ ମନ୍ଦିରକୁ ଦର୍ଶନ ପାଇଁ ଯାଇଥିଲେ । ଦର୍ଶନ ସାରି ସେମାନେ ମନ୍ଦିରରୁ ଫେରୁଥିଲେ । ତେବେ ଫେରିବା ସମୟରେ ଭାରସାମ୍ୟ ହରାଇ ସେମାନଙ୍କ ବାଇକ୍ ଏକ ଲାଇନ ଖୁଣ୍ଟରେ ପିଟି ହୋଇଯାଇଥିଲା । ଘଟଣା ସ୍ଥଳରେ ହିଁ ଉଭୟଙ୍କ ମୃତ୍ୟୁ ହୋଇଯାଇଥିଲା । ପୋଲିସ ଘଟଣାସ୍ତଳରେ ପହଁଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।