Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଚାଲିଛି ମା’ଙ୍କ ଆବାହନ, କଟକଣା ମାନି ହେଉଛି ପୂଜା, ଭୋଗ କରିବାରୁ ବଞ୍ଚିତ ଭକ୍ତ

14/10/2021 at 6:46 PM

ଭଦ୍ରକ, ୧୪/୧୦: ଚାଲିଛି ମା’ଙ୍କ ଆବାହନ । ଦିଲ୍ଲୀରୁ ପଲ୍ଲୀ ସବୁଠି ଚାଲିଛି ପୂଜା । ପୀଠରେ ଜଗତଜନନୀଙ୍କର ନବମୀ ପୂଜା ଅନୁଷ୍ଠିତ ହେଉଛି । କିନ୍ତୁ କରୋନା କଟକଣା ପାଇଁ ପୂଜାରେ ସରାଗ ନାହିଁ । ନା ଦେଖିବା ପାଇଁ ମିଳୁଛି ସାଜସଜ୍ଜା ନା ଆଲୋକ ମାଳା । ମିନାବଜାର ସାଙ୍ଗକୁ ସାଂସ୍କୃତିକ କାର୍ଯ୍ୟକ୍ରମ ସବୁ ବନ୍ଦ । କରୋନାର କଟକଣା ଏଥର ମଧ୍ୟ ପୂଜାକୁ ଫିକା କରିଛି । କେବଳ ହାତଗଣତି କେତେଜଣଙ୍କୁ ନେଇ ଚାଲିଛି ପୂଜା ।

ରାସ୍ତାଘାଟ ଏବେ ଜନ ଶୂନ୍ୟ ଲାଗୁଛି । ପୂଜା ମଣ୍ଡପ ହେଉ କି ମନ୍ଦିର ସବୁଠି କେବଳ ନୀରବତା । ପାର୍ବଣରେ ଏଠି ମଧ୍ୟ ଜଗତଜନନୀଙ୍କର ଆବାହନ ହେଉଛି । ଅନେକ ମଣ୍ଡପରେ ମା ଙ୍କର ଆବାହନ କରାଯାଉଛି । କିନ୍ତୁ କରୋନାର କଟକଣା ପାଇଁ ଏଥର ସବୁ ସରସ ନ ହୋଇ ନିରସ ହୋଇଛି । ରାସ୍ତା କିମ୍ବା ମଣ୍ଡପରେ ଆଲୋକ ସଜ୍ଜା ହୋଇ ନାହିଁ । କେବଳ ମଣ୍ଡପ ନିକଟରେ ଖୁବ କମ ଶବ୍ଦରେ ଡ଼ାକବାଜି ଯନ୍ତ୍ରରେ ମନ୍ତ୍ର ପାଠ ହେଉଛି । ପ୍ରଶାସନିକ ନିର୍ଦ୍ଦେଶ କ୍ରମେ ଦେବୀଙ୍କ ନିକଟରେ ଶ୍ରଦ୍ଧାଳୁ ଭୋଗ କରି ପାରୁ ନାହାନ୍ତି । ସୀମିତ ସଂଖ୍ୟକ କର୍ମକର୍ତ୍ତା ଓ ପୂଜକ ମଣ୍ଡପରେ ଉପସ୍ଥିତ ରହି ରୀତିନୀତି ସମ୍ପନ୍ନ କରୁଛନ୍ତି । ଅନେକ ସମୟରେ ଶ୍ରଦ୍ଧାଳୁମାନେ ମଣ୍ଡପ ଓ ମନ୍ଦିର ବାହାରୁ ଦୀପ ଜାଳି ଫେରୁଛନ୍ତି ।

ନବମୀ ପୂଜାରେ ବିଭିନ୍ନ ମଣ୍ଡପ ରେ ରୀତିନୀତି ସମ୍ପନ୍ନ ହେଉଛି । ଭଦ୍ରକର ବହୁ ପୁରାତନ ମଣ୍ଡପ କରୋନା କଟକଣାକୁ ସମ୍ମାନ ଦେଉଛନ୍ତି । ମା ବଙ୍କବାସୁଳି, ଜାନୁଗଞ୍ଜ, ଗାନ୍ଧିପଡ଼ିଆ, ବାଇପାସ, ସଂଥିଆ ଓ ବାଉଦପୁର ଅଞ୍ଚଳରେ ମଣ୍ଡପରେ ମା ଙ୍କର ନବମୀ ପୂଜା ହେଉଛି । ବଙ୍ଗୀୟ ପରମ୍ପରା ଅନୁଯାୟୀ ହେଉଥିବା ଝୁଣାଦାନ, ସିନ୍ଦୁରଖେଳ ଓ ଅଖଡା ଖେଳକୁ ମଧ୍ୟ ବନ୍ଦ କରାଯାଇଛି । ଅନେକ ସ୍ଥାନରେ ଆୟୋଜିତ ହେଉଥିବା ସାଂସ୍କୃତିକ କାର୍ଯ୍ୟକ୍ରମ ଓ ରାବଣ ପୋଡିକୁ ନକରିବା ପାଇଁ ପୂଜା କମିଟି ନିଷ୍ପତ୍ତି ନେଇଛନ୍ତି । ପୋଲିସ ଓ ପ୍ରଶାସନର ଟିମ ମଧ୍ୟ ବିଭିନ୍ନ ମଣ୍ଡପ ଗୁଡିକରେ ପହଞ୍ଚି କରୋନା କଟକଣାକୁ ଯାଞ୍ଚ କରୁଛନ୍ତି । ଅନେକ ଶ୍ରଦ୍ଧାଳୁ ଓ ପୂଜା କମିଟି କଟକଣାକୁ ମାନି ଭିଡ଼ ନକରିବା ପାଇଁ ଶ୍ରଦ୍ଧାଳୁଙ୍କୁ ନିବେଦନ କରି ଯଥାରୀତି ପରମ୍ପରା ବଜାୟ ରଖିଛନ୍ତି ।

   Related Posts