କେନ୍ଦୁଝର ୨୯/୮:ଆନନ୍ଦପୁର ଥାନା ଅନ୍ତର୍ଗତ  ଜଞ୍ଜାଳି ଗୟଲମୁଣ୍ଡା ଗାଁରେ ଦୀର୍ଘଦିନ ଧରି ଏପରି ଜାଲିଆତି  କରିଆସୁଥିବା ରାକେଟ ଧରାପଡିଛି । ଦୁଇ ଜଣ ବ୍ୟକ୍ତି ନିଜକପ ଶ୍ରମ ଅଧିକାରୀ କହି ଠକୁଥିଲେ  । ୨ ଶହ ଟଙ୍କା ନେଇ ଦେଉଥିଲେ ଲେବରକାର୍ଡ । ତେବେ ଏମିତି କାରନାମାରେ ସନ୍ଦେହ କରି ସେହି ଦୁଇ ଜଣଙ୍କୁ  ଜଞ୍ଜେଳି ଗ୍ରାମବାସୀ ଅଟକ ରଖିଥିଲେ । କେନ୍ଦୁଝର ଶ୍ରମ ବିଭାଗ କାର୍ଯ୍ୟାଳୟକୁ ଖବର ଦେଇଥିଲେ । କେନ୍ଦୁଝର ଶ୍ରମ ଅଧିକାରୀ ଘଟଣାସ୍ଥଳରେ ପହଞ୍ଚି  ଲେବର କାର୍ଡ ଗୁଡିକ ଯାଞ୍ଚ କରିବାରୁ ସେସବୁ ନକଲିଥିବା ଜାଣିବାକୁ ପାଇଥିଲେ । ଏପଟେ ଲୋକେ ଅଟକ ରଖିଥିବା ଦୁଇ ଜାଲିଆଙ୍କ ମଧ୍ୟରୁ ଜଣେ ରାତି ଅନ୍ଧାରର ସୁଯୋଗ ନେଇ  ଖସିଯାଇଥିଲା । ଅଟକ ରଖିଥିବା ଅନ୍ୟଜଣେ ଜାଲିଆକୁ ଆନନ୍ଦପୁର ଥାନାରେ ଜିମା ଦେଇଛନ୍ତି  ଗ୍ରାମବାସୀ । ସେହି ନକଲି ଶ୍ରମ ଅଧିକାରୀ ଜଣକ ହେଉଛି ଯାଜପୁର ବରି ଅନ୍ତର୍ଗତ  ମିର୍ଜାପୁରର ତରୁଣ କୁମାର ପଣ୍ଡା । ପୋଲିସ ଓ ଶ୍ରମବିଭାଗ ଏହି ଜାଲିଆଙ୍କ ଠକେଇ ନେଇ ତଦନ୍ତ ଜାରି ରଖିଛନ୍ତି ।