Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜଳେଶ୍ବରରୁ ଜବତ ହେଲା ନକଲି ପାନ ମସଲା, ଦୁଇ ଅଭିଯୁକ୍ତ ଅଟକ

23/01/2021 at 1:27 PM

ଜଳେଶ୍ବର ୨୩।୧: ସିଲଭର୍ ସିଟି ପରେ ଏବେ ଜଳେଶ୍ବରରୁ ଜବତ ହୋଇଛି ନକଲି ସାମଗ୍ରୀ । ଜଳେଶ୍ବର ଷ୍ଟେସନ ବଜାରରେ ଚଢାଉ କରି ନକଲି ପାନ ମସଲା ଜବତ କରିଛି ଏସଟିଏଫ । ଦୁଇ ଅଭିଯୁକ୍ତକୁ ଅଟକ ରଖାଯାଇଛି ।

ସୂଚନାଯୋଗ୍ୟ ଯେ, ଶନିବାର ଭୁବନେଶ୍ବର ଏସଟିଏଫ୍ ଟିମ୍ ତରଫରୁ ଅତିରିକ୍ତ ଏସପି ତେଜେଶ୍ବର ପଟେଲଙ୍କ ନେତୃତ୍ବରେ  ଜଳେଶ୍ଵର ଷ୍ଟେଶନ ବଜାର ଓ  ଝାଡେଶ୍ବରପୁର  ଅଞ୍ଚଳରେ ଚଢାଉ  କରାଯାଇଥିଲା । ଚଢାଉ ବେଳେ ବିପୁଳ ପରିମାଣର ନକଲି  ପାନ ମସଲା  ଜବତ କରାଯାଇଛି ।

ଏହାସହ ଦୁଇ ଜଣଙ୍କୁ ଅଟକ ରଖାଯାଇଛି । ଅଟକ ଦୁଇ ଜଣ ହେଲେ ଚନ୍ଦନ ଚୌରାସିଆ ଓ  ଅଶୋକ ସାହୁ । ଉଭୟ  ବେପାରୀଙ୍କୁ ଅଟକ ରଖି ତଦନ୍ତ ଜାରି ରଖିଛି ଏସଟିଏଫ ଟିମ୍ । ନକଲି ଗୋପାଳ ଓ  ଶିବ ଦାତା ଜରଦା ସହିତ  ଅନ୍ୟାନ୍ୟ  ନକଲି  ପାନ ମସଲା  ଜବତ  ହୋଇଛି । ଏହି ଚଢାଉ ବେଳେ ଜଳେଶ୍ବର ପୋଲିସ  ମଧ୍ୟ  ସାମିଲ ଥିଲେ ।

   Related Posts