Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଜୀବନ ସହ ସାଙ୍ଘାତିକ ଖେଳ : ରାଜଧାନୀରେ ବଢିଛି ନକଲି ହେଲମେଟ୍ ବିକ୍ରି, କୋଲକାତା-ଦିଲ୍ଲୀରୁ ଆସୁଛି ମାଲ୍

11/01/2021 at 1:02 PM

ଭୁବନେଶ୍ବର,୧୧/ ୦୧ସଡ଼କ ଦୁର୍ଘଟଣାରେ ମୃତାହତ ସଂଖ୍ୟା କମାଇବାକୁ ଟ୍ରାଫିକ୍‌ ନିୟମକୁ କଡ଼ାକଡ଼ କରିଛନ୍ତି ସରକାର। ବାଇକ୍‌ ପଛରେ ବସି ଯାଉଥିବା ଆରୋହୀଙ୍କ ପାଇଁ ମଧ୍ୟ ହେଲମେଟ୍  ବାଧ୍ୟତାମୂଳକ କରାଯାଇଛି। ଅମାନିଆଙ୍କଠାରୁ କରିମାନା ବି ଆଦାୟ କରାଯାଉଛି। କିନ୍ତୁ ପୋଲିସର ଏପରି ତଣ୍ଡରୁ ବର୍ତ୍ତିବା ପାଇଁ ଲୋକେ କାମଚଳା ଉପାୟ ବାଛିଛନ୍ତି। ରାସ୍ତାକଡ଼ରେ ମିଳୁଥିବା ଶସ୍ତା ଓ ନକଲି ହେଲ୍‌ମେଟ୍‌ ପିନ୍ଧୁଛନ୍ତି। ଦୁର୍ଘଟଣା ବେଳେ ବିପଦକୁ ଆମନ୍ତ୍ରଣ କରୁଛନ୍ତି।

ରାଜଧାନୀର ରାଜରାସ୍ତା ହେଉ କି ୧୬ ନମ୍ବର ଜାତୀୟ ରାଜପଥ। ସବୁଠି ରାସ୍ତାକଡ଼ରେ ଖେଳି ଯାଇଛି ନକଲି ହେଲ୍‌ମେଟ୍‌ର ପସରା। କିଛି ବେପାରୀ ଠେଲା ଦୋକାନ ଖଣ୍ଡେ ପକାଇ ସେଠି ବେନାମୀ ବ୍ରାଣ୍ଡ ହେଲମେଟ୍‌ ବିକୁଛନ୍ତି। ଏଥିରେ ଇଣ୍ଡିଆନ୍‌ ଷ୍ଟାଣ୍ଡାର୍ଡ ଇନ୍‌ଷ୍ଟିଚ୍ୟୁସନ୍‌ର ନକଲି ଜରି ଷ୍ଟିକର ଛପାଯାଇଛି। ଏସବୁ ହେଲ୍‌ମେଟ୍‌ ମାତ୍ର ୨୫୦ ଟଙ୍କାରେ ମିଳୁଛି। ଆଉ କିଛି ବ୍ରାଣ୍ଡେଡ୍‌ ହେଲ୍‌ମେଟ୍‌ରେ ଅବିକଳ ନକଲକୁ ୮୦୦-୯୦୦ ଟଙ୍କାରେ ବିକ୍ରି କରାଯାଉଛି ।

ଏକ ସର୍ଭେରୁ ଜଣାପଡ଼ିଛି ଯେ, ଉନ୍ନତମାନର ହେଲମେଟରେ ବଡ଼ ଦୁର୍ଘଟଣା ଘଟିଲେ, ୪୨ ପ୍ରତିଶତ କ୍ଷେତ୍ରରେ ବାଇକ୍‌ ଆରୋହୀଙ୍କ ଜୀବନ ବଞ୍ଚିବାର ସମ୍ଭାବନା ଥାଏ। ପ୍ରାୟ ୭୦ ପ୍ରତିଶତ ଯାଏଁ ଗୁରୁତର ଆଘାତରୁ ବଞ୍ଚାଇଦିଏ। ହେଲେ ଦୁଃଖର ବିଷୟ, ବାଇକ୍‌ ଆରୋହୀ ଏଠି ଶସ୍ତାରୁ ହିନସ୍ତା ହେଉଛନ୍ତି। ଡବଲ୍‌ ହେଲମେଟ୍‌ ଲାଗୁ ପରଠୁ ପୁଲିସ କବଳରୁ ବର୍ତ୍ତିବାର ବାହାନା ଖୋଜୁଛନ୍ତି। ଜୋରିମାନାରୁ ବଞ୍ଚିବା ପାଇଁ ଶସ୍ତାରେ ମିଳୁଥିବା ନକଲି ହେଲମେଟ୍‌ କିଣୁଛନ୍ତି। ମୂଲ୍ୟବାନ ଜୀବନକୁ ଗୁରୁତ୍ବ ନଦେଇ ଶସ୍ତା ହେଲ୍‌ମେଟ୍‌ ପିନ୍ଧି ବିପଦକୁ ଡାକୁଛନ୍ତି।

ନିୟମାନୁସାରେ, ବାଇକ୍‌ ଚାଳକଙ୍କ ପାଇଁ ଉଦ୍ଧିଷ୍ଟ ହେଲ୍‌ମେଟ୍‌ଗୁଡି଼କ ବ୍ୟୁରୋ ଅଫ୍‌ ଇଣ୍ଡିଆନ୍‌ ଷ୍ଟାଣ୍ଡାର୍ଡ ବା ବିଆଇଏସ ସ୍ୱୀକୃତିପ୍ରାପ୍ତ ହୋଇଥିବ । ଇଣ୍ଡିଆନ୍‌ ଷ୍ଟାଣ୍ଡାର୍ଡ ଇଷ୍ଟିଚ୍ୟୁସନ (ଆଇଏସ୍‌ଆଇ)ର ଷ୍ଟାମ୍ପ ବାଜିଥିବ । ଯାହାକି, ହେଲ୍‌ମେଟ୍‌ ଫର୍‌ ରାଇଡର ଅଫ୍‌ ଟୁ-ହ୍ୱିଲର ମୋଟର ଭେହିକିଲ୍‌ (କ୍ୱାଲିଟି କଣ୍ଟ୍ରୋଲ) ଅର୍ଡର- ୨୦୨୦ ଅନୁସାରେ ଲାଗୁ ହୋଇଥିଲା । ହେଲ୍‌ମେଟ୍‌ର ଓଜନ ପ୍ରାୟ ୧୨୦୦ ଗ୍ରାମରୁ ଅଧିକ ହୋଇନଥିବ । ନଚେତ୍‌, ଚାଳକଙ୍କୁ ୧୦୦୦ ଟଙ୍କା ଯାଏଁ ଜରିମାନା ଦେବାକୁ ପଡ଼ିବ । ଆଇଏସ୍‌ଆଇ ବୈଧତା ନଥିବା ହେଲମେଟ୍‌ ତିଆରି କରୁଥିବା କମ୍ପାନୀ ଧରା ପଡ଼ିଲେ, ୨ ବର୍ଷ ଜେଲ୍‌ ଦଣ୍ଡ ସହ ୨ଲକ୍ଷ ଟଙ୍କା ଜରିମାନା ଗଣିବାକୁ ପଡ଼ିବ । ଆସନ୍ତା ଜୁନ୍‌ ୧ ତାରିଖରୁ ଆଇଏସ୍‌ଆଇ ମାର୍କା ହେଲ୍‌ମେଟ୍‌କୁ ବାଧ୍ୟତାମୂଳକ ହେବ ।

ରାଜଧାନୀରେ ବିକାଯାଉଥିବା ନକଲି ହେଲ୍‌ମେଟ୍‌ର ହବ୍‌ ହେଉଛି ଦିଲ୍ଲୀ ଓ କୋଲକାତା ।  ଏଠାରୁ ଭୁବନେଶ୍ୱର ସମେତ ଅନ୍ୟାନ୍ୟ ସହରକୁ ବିପୁଳ ମାତ୍ରାରେ ନକଲି ହେଲମେଟ ଆଣି ବିକ୍ରି କରାଯାଉଛି । ଆଉ ଖୁଚୁରା ବେପାରୀଙ୍କ ଜରିଆରେ ରାସ୍ତାକଡ଼ରେ ଖୁଲ୍‌ମଖୁଲା ବିକାଯାଉଛି ।

   Related Posts