ରାଜସ୍ଥାନ ୨୩/୫ : ରାଜସ୍ଥାନର ଡୁଙ୍ଗରପୁର ପୋଲିସକୁ ସଫଳତା । ଗୁଜରାଟକୁ ଯାଉଥିବା ଗୋଟିଏ ଗାଡିରୁ କୋଟି କୋଟି ଟଙ୍କା ଜବତ କରିଛି ପୋଲିସ । ଜିଲ୍ଲାର ବିଛିୱାଡା ପୋଲିସ ଷ୍ଟେସନ ଜାତୀୟ ରାଜପଥରୁ ୪.୫ କୋଟି ନଗଦ ଟଙ୍କା ଜବତ ହୋଇଛି । ଏହାସହ ହାୱାଲାର ଦୁଇ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି । ଏହି କୋଟି କୋଟି ଟଙ୍କା ଦିଲ୍ଲୀରୁ ଗୁଜୁରାଟକୁ ନିଆଯାଉଥିବା ଜଣାପଡିଛି ।
ବର୍ତ୍ତମାନ ପୋଲିସ ଏହି ମାମଲାର ତଦନ୍ତ କରୁଛି । ଏଥି ସହିତ ଏହା ହାୱାଲାର ଟଙ୍କା ବୋଲି ଦାବି କରାଯାଉଛି । ଡିଏସପି ମନୋଜ ସାଓ୍ୱରିଆ କହିଛନ୍ତି ଯେ ବର୍ତ୍ତମାନ ଟଙ୍କା ଜବତ କରାଯିବା ପରେ ଅଭିଯୁକ୍ତଙ୍କୁ ପଚରାଉଚରା ଜାରି ରହିଛି । ପ୍ରାଥମିକ ସୂଚନା ଅନୁଯାୟୀ ଏହା ହାୱାଲା ସହ ଜଡିତ ଏକ ମାମଲା ପରି ମନେହୁଏ । ତେବେ ଆଶ୍ଚର୍ଯ୍ୟକର କଥା ପୋଲିସ ଷ୍ଟେସନରେ ଏତେ ସଂଖ୍ୟକ ନୋଟ୍ ଗଣିବା ପାଇଁ କୌଣସି ମେସିନ୍ ନଥିଲା । ତେଣୁ ବ୍ୟାଙ୍କରୁ ମେସିନ୍ ମଧ୍ୟ ଅର୍ଡର କରିବାକୁ ପଡିଲା । କେବଳ ସକାଳରୁ ସନ୍ଧ୍ୟା ପର୍ଯ୍ୟନ୍ତ ଯେତେବେଳେ ନୋଟ୍ ଗଣାଯାଇଥିଲା ।