Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜଳାର୍ଣ୍ଣବ କେନ୍ଦ୍ରାପଡା ସହର ; ବିଭିନ୍ନ ଅଞ୍ଚଳରେ ଜମି ରହିଛି ବର୍ଷା ପାଣି

6/09/2018 at 2:50 PM

କେନ୍ଦ୍ରାପଡା ୬|୯: ଦୁଇ ଦିନ ଧରି ଲଗାଣ ବର୍ଷାରେ କେନ୍ଦ୍ରାପଡ଼ା ସହର ଜଳାର୍ଣ୍ଣବ ହୋଇ ପଡିଛି । ସହରର ତଳି ଅଞ୍ଚଳରେ ପାଣି ଜମି ରହିଛି | ସହରର ଇଦଗା ମହଲା, ମନକର ପୁର୍, ଜୟପୁରା, ରଣପୁର, କୋରସି ମହଲ ପ୍ରଭୃତି ତଳି ଅଞ୍ଚଳରେ ଆଣ୍ଠୁଏ ଉଚ୍ଚର ବର୍ଷା ପାଣି ଜମି ରହିଛି | ଏମିତିକି ଲୋକମାନଙ୍କ ଘର ଭିତରେ ମଧ୍ୟ ପାଣି ପଶିଯାଇଛି । ଏହି ସବୁ ଅଞ୍ଚଳରେ ଲୋକମାନଙ୍କ ଘରେ କାଲିଠାରୁ ଚୁଲି ମଧ୍ୟ ଜଳି ନାହିଁ | ଫଳରେ ଲୋକମାନେ ଉପବାସରେ ଦିନ କାଟୁଛନ୍ତି । ସବୁଠାରୁ ବଡ କଥା ହେଲା ଏହି ସବୁ ଅଞ୍ଚଳରେ ନଳକୂପ ଗୁଡିକ ବର୍ଷା ପାଣିରେ ବୁଡି ରହିଥିବାରୁ ଲୋକମାନେ ପିଇବା ପାଣି ଟୋପେ ପାଇଁ ଦହଳ ବିକଳ ହେଉଛନ୍ତି । ବୁଢ଼ା ବୁଢୀ, ଛୋଟ ପିଲା ଏବଂ ରୋଗୀମାନଙ୍କ ଅବସ୍ଥା ଦୟନୀୟ ହୋଇପଡିଛି |

   Related Posts